{"id":9664,"date":"2018-03-26T11:00:35","date_gmt":"2018-03-26T11:00:35","guid":{"rendered":"https:\/\/new.bwiza.com\/2018\/03\/26\/ese-koko-lt-gen-tumukunde-niwe-wari-nyirabayazana-y-umwuka-mubi-hagati-y-u\/"},"modified":"2018-03-26T11:00:35","modified_gmt":"2018-03-26T11:00:35","slug":"ese-koko-lt-gen-tumukunde-niwe-wari-nyirabayazana-y-umwuka-mubi-hagati-y-u","status":"publish","type":"post","link":"https:\/\/bwiza.com\/?p=9664","title":{"rendered":"Ese koko Lt Gen. Tumukunde niwe wari nyirabayazana y\u2019umwuka mubi hagati y\u2019u Rwanda na Uganda?"},"content":{"rendered":"

Impinduka ziherutse gukorwa mu nzego z\u2019umutekano za Uganda ngo zaba zisa nk\u2019aho ari zo zihishe inyuma yo kugerageza kubyutsa umubano hagati y\u2019iki gihugu n\u2019u Rwanda kwatangiye kugaragara nyuma y\u2019uko wari watangiye kugaragaramo igitotsi kuva mu Ukwakira mu mu mwaka ushize bikurikiye itabwa muri yombi ry\u2019Umunyarwanda Rene Rutagungira wafashwe n\u2019urwego rw\u2019ubutasi mu gisirikare cya Uganda.(CMI).
\nKuri iki Cyumweru perezida w\u2019u Rwanda, Paul Kagame yakoreye uruzinduko rw\u2019akazi rw\u2019umunsi umwe muri Uganda yakirwa na mugenzi we, Yoweri Museveni mu ngoro ye, I Entebbe aho baganiriye ku bibazo biri hagati y\u2019ibihugu byombi ndetse bakizeza kubikemura babinyujije mu gukomeza kuvugana.
\n\"\"
\nAmakuru agera ku kinyamakuru Chimpreports dukesha iyi nkuru aravuga ko abayobozi bavuga ko u Rwanda rwagaragaje impungenge ku ruhare rw\u2019uwari minisitiri w\u2019umutekano wa Uganda, Lt Gen. Henry Tumukunde mu gufasha abashaka guhungabanya umutekano w\u2019u Rwanda bari mu karere.
\nMinisitiri Tumukunde akaba aherutse kwirukanwa ku mirimo ye na perezida Museveni kimwe n\u2019uwari ukuriye igipolisi, Gen. Kale Kayihura, aho yabashinjaga kutavugana uko bikwiye byaje kubyara ubwumvikane bucye hagati yabo bikagira n\u2019ingaruka ku mutekano w\u2019igihugu.
\n\"\"
\nKuri iki Cyumweru itariki 26 Werurwe nyuma y\u2019ibiganiro by\u2019amasaha abiri na perezida kagame, Museveni yavuze ko nta kibazo gikomeye cy\u2019umutekano kiri hagati y\u2019ibihugu byombi ahubwo habayeho kutavugana uko bikwiye hagati y\u2019abayobozi b\u2019ibi bihugu.
\nUwasimbuye minisitiri Tumukunde wakunze gushyirwa mu majwi n\u2019u Rwanda, ari we Gen Elly Tumwiine, nawe akaba yari ari mu biganiro byabaye hagati y\u2019abakuru b\u2019ibihugu by\u2019u Rwanda na Uganda batanze ikiganiro gitanga icyizere ku banyamakuru nyuma yo kubonana.
\nMuri iki kiganiro kandi, perezida w\u2019u Rwanda, Paul Kagame yijeje ko nta gushidikanya imibanire y\u2019ibihugu byombi izarushaho gukomezwa, aho yatangaje ko icyo yavuga kandi anyuzwe cyane ari uko we na mugenzi we wa Uganda bumvikanye ku bintu byinshi by\u2019ingenzi bifitiye inyungu ibihugu byabo ndetse n\u2019akarere.
\nEse koko Tumukunde yaba ari we wari nyirabayazana wo kutumvikana hagati y\u2019u Rwanda na Uganda? Kuba yarashyizwe ku ruhande se hizerwe ko umubano w\u2019ibihugu byombi ugiye gusubira mu buryo abaturage b\u2019ibihugu bakongera kwidegembya ku ruhande rumwe cyangwa ukundi nk\u2019uko byari bisanzwe?
\n Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube