{"id":9669,"date":"2018-03-26T14:13:27","date_gmt":"2018-03-26T14:13:27","guid":{"rendered":"https:\/\/new.bwiza.com\/2018\/03\/26\/green-party-ikomeje-kugaragaza-kutishimira-ibikubiye-mu-itegeko-rishya-rigenga\/"},"modified":"2025-02-12T14:31:57","modified_gmt":"2025-02-12T12:31:57","slug":"green-party-ikomeje-kugaragaza-kutishimira-ibikubiye-mu-itegeko-rishya-rigenga","status":"publish","type":"post","link":"https:\/\/bwiza.com\/?p=9669","title":{"rendered":"Green Party ikomeje kugaragaza kutishimira ibikubiye mu itegeko rishya rigenga amashyaka"},"content":{"rendered":"

Umuyobozi w\u2019ishyaka Democratic Green Party of Rwanda, Dr Frank Habineza, ntiyanyuzwe no kuba nta cyakozwe ku mavugurura basabye mu itegeko rishya rigenga amashyaka ku kijyanye n\u2019inkunga igenerwa amashyaka ari kwiyamamaza ku mwanya w\u2019umukuru w\u2019igihugu cyangwa mu badepite , aho avuga ko inkunga ya leta igenerwa umutwe wagize amajwi 5% mu matora ifasha uwatsinze aho gufasha abari guhangana mu matora.
\nDr Frank Habineza aragira ati: \u201cIyi nkunga ifasha gusa abatsinze, kandi yakagombye gufasha amashyaka ahatanye gutegura kwiyamamaza kwiza aho guha agaciro amashyaka nyuma y\u2019amatora.\u201d
\nNi mu gihe itegeko riherutse gushyirwaho rigenga imitwe ya politiki riyibuza kwakira inkunga zivuye mu banyamahanga, leta z\u2019amahanga, imiryango itegamiye kuri leta, ishingiye ku myizerere, ibigo by\u2019abanyamahanga cyangwa inganda ndetse n\u2019imiryango abanyamahanga bafitemo imigabane.
\nIbi byakiriwe neza na bamwe mu banyapolitiki barimo Theobald Mporanyi, umudepite mu nteko ishinga amategeko ukomoka mu ishyaka riri ku butegetsi, uvuga ko iyo urebye ibigenda bibera hirya no hino ku isi hari amashyaka menshi ya politiki aba yiringiye impano z\u2019abanyamahanga cyangwa imiryango n\u2019abantu, ariko ngo ugasanga aba baterankunga baba bashaka kugira ijambo ku bikorwa bya politiki by\u2019ayo mashyaka bikayadindiza muri gahunda zayo.
\nMinisitiri Judith Uwizeye, ukora mu biro by\u2019umukuru w\u2019igihugu ari nawe wagejeje uyu mushinga w\u2019itegeko ku nteko ishinga amategeko mu izina rya guverinoma, avuga ko mu nkunga zitemerewe amashyaka harimo n\u2019iz\u2019imitwe ya politiki yo mu bindi bihugu.
\nIbi ariko ntabyemeranya na Dr Frank Habineza uvuga ko bitumvikana ukuntu guverinoma y\u2019u Rwanda yakira inkunga z\u2019abanyamahanga ariko ikabuza amashyaka ya politiki kuyakira.
\nIri tegeko riteganya ko umutwe wa politiki uzakira inkunga z\u2019abanyamahanga ushobora kuzahagarikwa mu gihe cy\u2019imyaka 2, mu gihe iyi nkunga yaba yakiriwe mu gihe cy\u2019amatora bwo ugahagarikwa imyaka 5 kandi guverinoma igafatira iyo nkunga.
\nNubwo bimeze gutyo, iri tegeko riteganya ingengo y\u2019imari igenewe amashyaka ya politiki izajya inyuzwa mu Kigo cy\u2019igihugu cy\u2019imiyoborere (RGB) .
\nUbusanzwe let ikaba itanga ingengo y\u2019imari igenewe amashyaka inyuzwa mu Nama Ngishwanama y\u2019igihugu y\u2019imitwe ya politiki igacungwa n\u2019ihuriro ryayo.
\nIcyifuzo cy\u2019ishyaka Green Party cyo kuvugurura iri tegeko kikaba cyaratewe utwatsi havugwa ko cyagendeye ku bitekerezo by\u2019umuntu nta bimenyetso bifatika.
\n\u00a0
\n\u00a0
\n Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube