{"id":9691,"date":"2018-03-28T09:20:13","date_gmt":"2018-03-28T09:20:13","guid":{"rendered":"https:\/\/new.bwiza.com\/2018\/03\/28\/hakomeje-kwibazwa-irengero-ry-umunya-afurika-y-epfo-wabaga-mu-rwanda\/"},"modified":"2018-03-28T09:20:13","modified_gmt":"2018-03-28T09:20:13","slug":"hakomeje-kwibazwa-irengero-ry-umunya-afurika-y-epfo-wabaga-mu-rwanda","status":"publish","type":"post","link":"https:\/\/bwiza.com\/?p=9691","title":{"rendered":"Hakomeje kwibazwa irengero ry\u2019Umunya-Afurika y\u2019Epfo wabaga mu Rwanda"},"content":{"rendered":"

Umuryango n\u2019inshuti z\u2019Umunya-Afurika y\u2019Epfo wakoreraga mu Rwanda mu bintu bijyanye no kwamamaza witwa Leon Orsmond bakomeje kwibaza irengero rye nyuma y\u2019ukwezi bavuga ko gushize abuze.
\nUyu mugabo w\u2019imyaka 60 bivugwa ko yari amaze imyaka 8 aba mu Rwanda, ngo baheruka akanunu ke mu kwezi kwa kabiri hagati. Aba ngo bakaba bafite impungenge z\u2019uko yatawe muri yombi kuko atatinyaga kunenga leta y\u2019u Rwanda ndetse ngo mu gihe cy\u2019amatora akaba yarakoreraga Diane Rwigara ubukangurambaga ku mbuga nkoranyambaga.
\nUmukobwa w\u2019umugore we (step-daughter) witwa Chelsey May Orsmond, yabwiye ikinyamakuru News24 dukesha iyi nkuru ko se aheruka gukoresha imbuga nkoranyambaga bajyaga bahuriraho kuwa 16 Gashyantare, bakaba baheruka kuvugana kuri Whatapp kuwa 29 Mutarama, ariko ngo ubwo yageragezaga kumuvugisha hagati mu kwa kabiri yabonye ko ubutumwa bwe butamugeraho.
\nUyu mukobwa aragira ati: \u201cTwatekereje ko tugomba gutegereza gato mbere yo kugira ubwoba, ariko ibiragaragara ubwoba bwaraje, ni nacyo gihe twavugishije abayobozi.\u201d
\nUyu akomeza avuga ko visa ya Orsmond na passport ye byari byararangiye kandi telephone zikavaho.
\nArakomeza agira ati: \u201cYakundaga kuvuga cyane icyo atekereza kuri twitter na facebook kuri perezida Kagame n\u2019ibura ry\u2019ubwisanzure bwo kuvuga icyo umuntu ashaka mu Rwanda.\u201d
\n Ngo yaba yaratawe muri yombi n\u2019inzego z\u2019umutekano z\u2019u Rwanda<\/strong>
\nUmuryango wa Chelsey akomeza avuga ko bafite abantu bababwiye ko uyu mugabo yatawe muri yombi, bakaba baregereye ambasade y\u2019u Rwanda muri Afurika y\u2019Epfo, Amnesty International, ishami ryo muri Afurika y\u2019Epfo, Human Right Watch ndetse n\u2019Igipolisi cy\u2019u Rwanda.
\nAkomeza avuga ko umwe mu bakozi b\u2019ishami rishinzwe imibanire mpuzamahanga n\u2019ubutwererane yamubwiye ko ambasade ya Afurika y\u2019Epfo mu Rwanda iri kuvugana na minisiteri y\u2019ububanyi n\u2019amahanga, igipolisi ndetse na serivisi zishinzwe abinjira n\u2019abasohoka mu Rwanda.
\nUyu muyobozi ngo anavuga ko basuye station ya polisi iri aho Orsmond yari atuye bakajya kubaza amakuru ye ariko ntihagire icyo bageraho.
\nMubyara wa Leon Orsmond witwa Digby Orsmond akaba avuga ko Leon yari afite ikigo gicunga imbuga nkoranyambaga kinakora iyamamaza kuri internet I Kigali.
\nUyu akomeza avuga ko bamenyesheje Igipolisi cy\u2019u Rwanda ko babuze umuntu ndetse bagatanga amatangazo ari kumwe n\u2019ifoto mu ndimi 3 (Icyongereza, Igifaransa n\u2019Ikidage) ku nkuta za instagram zitandukanye mu Rwanda.
\nAba bakomeza bavuga ko amakuru bafite ava I Kigali ari uko Leon Orsmond yaba yaratawe muri yombi akajya gufungirwa hanze y\u2019umujyi wa Kigali n\u2019inzego zo hejuru z\u2019umutekano, akaba ari yo mpamvu polisi ishobora kuba itazi aho aherereye.
\n\u00a0
\n Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube