{"id":9694,"date":"2018-03-28T11:06:48","date_gmt":"2018-03-28T11:06:48","guid":{"rendered":"https:\/\/new.bwiza.com\/2018\/03\/28\/kamonyi-abarimu-bahawe-akazi-n-akarere-ibigo-boherejweho-birababurabuza\/"},"modified":"2018-03-28T11:06:48","modified_gmt":"2018-03-28T11:06:48","slug":"kamonyi-abarimu-bahawe-akazi-n-akarere-ibigo-boherejweho-birababurabuza","status":"publish","type":"post","link":"https:\/\/bwiza.com\/?p=9694","title":{"rendered":"Kamonyi: Abarimu bahawe akazi n\u2019akarere ibigo boherejweho birababurabuza"},"content":{"rendered":"

Abarimu bahawe akazi n\u2019akarere ka Kamonyi, bakomeje kuburabuzwa n\u2019ibigo boherejweho, akarere n\u2019abanyamadini babihagarariye bakitana ba mwana ko batabizi.<\/strong> <\/em>
\nKu wa 2 Gashyantare 2018, nibwo abarimu 3 bahawe amabaruwa n\u2019akarere ka Kamonyi, abemerera kujya kuba abayobozi bashinzwe amasomo mu bigo bya GS Kayumbu kiri mu murenge wa Kayumbu ndetse na GS Ntwari na Kirwa biri mu murenge wa Kayenzi, bagezeyo abayobozi b\u2019ibigo barabakira, nyuma barabahagarika.
\nMu kiganiro Bwiza.com, yagiranye n\u2019aba barimu, bavuga ko babibona nko kuburabuzwa, akarere kakavuga ko katazi icyo kibazo, abayobozi b\u2019ibigo (ba giregiteri) bakavuga ko babahagaritse babisabwe, Kiliziya Gatolika ikavuga ko itazi iki kibazo, andi makuru akavuga ko ari uko badasengera mu madini agenga ibigo boherejweho.
\nNdereyimana Alphonse, uyobora urwunge rw\u2019amashuri rwa Kirwa (Gs Kirwa), avuga ko umukozi yamugezeho akamwakira, atanze raporo asabwa kumuhagarika.
\nAti \u201cyaraje ndamwakira akora nk\u2019iminsi itatu, ikigo ni icya Kiliziya Gatolika, natanze raporo muri kiliziya Gatolika nsabwa kumuhagarika, gusa akarere na Kiliziya bafite uko barimo kubikemura twizeye ko bizakemuka vuba, \u2026\u201d.
\nAkomeza avuga ko uyu mukozi bari bamwoherereje, ashobora no kutajya mu mwanya yoherejwemo akaba yanaba umwarimu usanzwe.
\nAti \u201cIkibazo cyaba cyarabayeho, ni ukutumvikana ku kubashyira mu myanya hagati y\u2019akarere na Kiliziya, ashobora kutazaba perefe wenda akaba yaba mwarimu\u201d.
\nAkimana Jean Claude, diregiteri w\u2019urwunge rw\u2019amashuri rwa Ntwali (GS Ntwali), we avuga ko umukozi yahageze bakamuhagarika, agashimangira ko ikibazo kiri hagati y\u2019akarere na Kiliziya, by\u2019umwihariko bakaba bamaze igihe iki kigo kidafite ushinzwe amasomo.
\nAgira ati \u201cIkibazo cyaturutse kuri ba nyiri ibigo, kiliziya n\u2019akarere, ubu pr\u00e9fet\u00a0des \u00e9tudes ntawe dufite kuko uwari ahari yaragiye, ibyo bibazo bo ubwabo ntabwo bari babikemura, mwabaza abayobozi badukuriye\u2026\u201d.
\nUmwe muri aba barimu bari boherejwe mu kazi, aganira na Bwiza.com, yatangaje ko bafite impungenge, ndetse bakabibona nko kuburabuzwa.
\nAti \u201cIkibazo kiba kirimo ni uko uba usuzugurutse n\u2019ubwo waba uhembwa, uwabyumva atari we bireba yakumva byoroshye cyangwa ko nta n\u2019ikibazo kirimo, ariko twe dufite ubwoba ko byanadukoraho kandi nta ruhare twabigizemo, birazwi ko tudakora, ntabwo tuzi impamvu \u201c.
\n Meya ati \u2018ntabyo nzi\u2019, Padiri na we akabihakana<\/strong>
\nUmuyobozi w\u2019akarere ka Kamonyi, Alice\u00a0Kayitesi\u00a0avuga ko yari asanzwe azi ikibazo cy\u2019umwe muri aba batatu, woherejwe kuba umuyobozi w\u2019amasomo kuri GS Kayumbu, agezeyo hakazamo ibibazo, bitewe n\u2019uko ikigo ari icya ADEPR. Kuba aboherejwe i Ntwali na Kirwa mu murenge wa Kayenzi badakora, byo ntabyo yari azi.
\nMu gihe hari n\u2019andi makuru yavugaga ko aba bakozi bangiwe bitewe n\u2019uko badasengera mu madini agenga ibi bigo, Meya arabihakana yivuye inyuma ko bidashoboka.
\nAti \u201cAbakozi bose ni ab\u2019akarere, cyaba ikigo cy\u2019abanyagaturika, cyaba icya ADEPR,\u2026 ntacyo bivuze kuko abakozi bose nitwe tubohereza, nta vangura ribamo, ushobora kuba uri muri ADEPR ukigisha mu kigo cy\u2019abanyagaturika\u201d.
\nArakomeza agira ati \u201cDiregiteri wa Kayumbu niwe wari watangiye kuvuga ngo ntabwo ari ADEPR, twasanze hari uwo bashakaga wari usanzwe ahakora, ariko twasanze atujuje ibisabwa, twe uwo twemera ni uwo twahohereje nk\u2019akarere, icyo kibazo kindi twumva kiri i Ntwali na Kirwa, ngiye kugikurikirana, nta vangura tugira mu mashuli kuko n\u2019abana biga ku bigo bashaka hatitawe ku madini basengeramo\u201d.
\nPadiri Kimenyi Nkaka Jean de Dieu , ushinzwe uburezi mu mashuli Gatolika muri Diyosezi ya Kabgayi, avuga ko bitumvikana uburyo umukozi yakoherezwa mu kazi ntagakore, agahakana ko nta mukozi bajya basubiza inyuma ngo ni uko adasengera muri Kiliziya Gatilika.
\nAti \u201cn\u2019abana tugira mu bigo bya kiliziya Gatolika ntabwo ari abayisengeramo gusa, mu mahame yacu ntabwo byashoboka, nta mwarimu twakwanga ngo ni uko asengera mu rindi dini,\u2026\u201d.
\nArakomeza ashimangira ko kuba aba bakozi badakora, ikibazo cyabo cyaba cyaradindijwe n\u2019abakoresha babegereye ndetse ko ari nabo bagomba kubiryozwa.
\nati \u201cndumva ikibazo cyaba kiri muri recrutement, ntabwo twakwanga umwarimu kuko ahubwo ikibazo twari dusanzwe dufite ni icy\u2019abarimu bake, cyangwa gutinda kubatwoherereza, navuga ko binica ireme ry\u2019uburezi,\u2026 ntabwo iki kibazo narinkizi ariko ngiye kugikurikirana,\u2026 njye ndumva niba badakora kandi bahembwa, umukoresha wabo wa bugufi niwe ugomba kubiryozwa\u201d.
\nIbibazo mu bigo by\u2019amashuli byo mu karere ka Kamonyi byari bisanzwe bivugwa cyane mu itangazamakuru, ni iby’imishahara itinda kugera ku barimu, mu gihe iki nacyo abagishinzwe bavuga ko bagiye kugikurikirana, uko bazagikemura nibabidutangariza, twabibagezaho mu nkuru itaha.
\n Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube