{"id":9697,"date":"2018-03-28T13:22:25","date_gmt":"2018-03-28T13:22:25","guid":{"rendered":"https:\/\/new.bwiza.com\/2018\/03\/28\/uganda-igipolisi-cyohereje-muri-afurika-y-epfo-abajya-gufata-ukekwaho-kwica\/"},"modified":"2025-02-12T14:31:42","modified_gmt":"2025-02-12T12:31:42","slug":"uganda-igipolisi-cyohereje-muri-afurika-y-epfo-abajya-gufata-ukekwaho-kwica","status":"publish","type":"post","link":"https:\/\/bwiza.com\/?p=9697","title":{"rendered":"Uganda: Igipolisi cyohereje muri Afurika y\u2019Epfo abajya gufata ukekwaho kwica Suzan Magara"},"content":{"rendered":"

Abapolisi bakuru bashinzwe iperereza ba Uganda berekeje muri Afurika y\u2019Epfo gufata umuntu bikekwa ko yateguye iyicwa rya Suzan Magara, wari umubitsi w\u2019ikaragiro rya Buwendero Dairy ryo mu Karere ka Hoima. Ni nyuma y\u2019aho perezida Museveni ahamagariye mugenzi we Cyril Ramamphosa bakavugana kuri iki kibazo nyuma yo kumenya ko uyu muntu yari yihishe muri iki gihugu.
\nAmakuru yizewe agera ku rubuga Spyreports dukesha iyi nkuru, aravuga ko abapolisi berekeje muri Afurika y\u2019Epfo barimo SSP Mark Odongo ukuriye ishami rishinzwe gukurikirana amadosiye y\u2019ibyaha rizwi mu magambo ahhinnye nka CCFTF, rikorera munsi y\u2019umukuru w\u2019igipolisi, ndetse akaba yajyanye na SSP Johnson Olala, ari nawe ukuriye ishami ry\u2019ubugenzacyaha mu\u00a0 Gipolisi cya Kampala.
\nMbere yo kwerekeza muri Afurika y\u2019Epfo, aba ngo babanje mu cyumweru gishize gukorana inama n\u2019ibiro bya minisitiri w\u2019ubutabera n\u2019ibibazo bijyanye n\u2019itegeko nshinga, Maj. Gen. Severino Kahinda Otafire.
\nIyi nama ikaba ngo yaranitabiriwe n\u2019umukuru w\u2019igipolisi, IGP Okoth Martin Ochola, minisitiri w\u2019ubutegetsi bw\u2019igihugu, Maj. Gen. Jeje Odongo, AIGP Abas Byakagaba, umuyobozi w\u2019ishami rishinzwe kurwanya iterabwoba, akaba ari nawe ngo uhagarikiye iki gikorwa.
\nMuri iyi nama ngo akaba ari ho hafatiwe ingamba z\u2019ukuntu bazajya muri Afurika y\u2019Epfo gufata ukekwaho kuba inyuma y\u2019ubwicanyi bwakorewe Suzan Magara witwa Patrick Agaba bakunda kwita Pato bivugwa ko yagiye muri Afurika y\u2019Epfo nyuma y\u2019ubu bwicanyi.
\nIyi nkuru irakomeza ivuga ko kuva Suzan Magara yicwa, hamaze gutabwa muri yombi abantu basaga 10 kandi abenshi akaba ari abo mu muryango we.
\nPerezida Museveni akaba aherutse kuvuga ko ubwo yabwirwaga ko umwe mu bakekwaho ubwicanyi yihishe muri Afurika y\u2019Epfo, yafashe telephone agahamagara ubwe perezida Ramamphosa wa Afurika y\u2019Epfo bakavugana kuri iki kibazo kandi hari ingamba zafashwe.
\nIbi Museveni akaba yarabihishuriye mu kiganiro n\u2019itangazamakuru cyabaye ku Cyumweru gishize, itariki 25 Werurwe, ari kumwe na perezida w\u2019u Rwanda, Paul Kagame, wari wamusuye mu rwego rwo kugerageza kuvugana ku bibazo by\u2019umwuka mubi umaze iminsi hagati y\u2019ibihugu byombi Museveni yemeje ko byafashe intera kubera kutavugana uko bikwiye hagati y\u2019abayobozi.
\nSuzan Magara, washimutiwe ku muhanda Kabaka Anjagala, mu gace ka Rubaga ho muri Kampala kuwa 07 Gashyantare, yaje gusangwa yishwe umurambo wajugunywe ahitwa Kitiko, hagati ya Kigo na Kajjansi hafi y\u2019umuhanda wa Entebbe.
\n\u00a0
\n Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube