{"id":9698,"date":"2018-03-28T13:52:58","date_gmt":"2018-03-28T13:52:58","guid":{"rendered":"https:\/\/new.bwiza.com\/2018\/03\/28\/rwamagana-abagore-basaga-60-baboneza-urubyaro-bakimara-kwibaruka\/"},"modified":"2025-02-12T14:31:41","modified_gmt":"2025-02-12T12:31:41","slug":"rwamagana-abagore-basaga-60-baboneza-urubyaro-bakimara-kwibaruka","status":"publish","type":"post","link":"https:\/\/bwiza.com\/?p=9698","title":{"rendered":"Rwamagana: Abagore basaga 60% baboneza urubyaro bakimara kwibaruka"},"content":{"rendered":"

Mu karere ka Rwamagana abaturage bamaze kumenya akamaro ko kuboneza urubyaro, ku buryo umubyeyi abikora mbere y\u2019uko ava mu bitaro adategereje indi minsi. Ibi biva mu bukangurambaga bukorwa n\u2019abajyanama b\u2019ubuzima, abayobozi n\u2019abakozi bo kwa muganga.
\nUko imibare ibigaragaza, mu cyumweru gishize kiva kuwa mbere tariki 12 kugeza ku cyumweru tariki 18 Wwerurwe, mu karere ka Rwamagana habyaye abagore 169. Muri aba, 106 (62,7%)basohotse ibitaro bamaze gutangira inzira yo kuboneza urubyaro.
\nNk\u2019uko bitangazwa n\u2019umuyobozi w\u2019ibitaro bya Rwamagana, Dogiteri Muhire Philbert, ngo \u201cIyo umubyeyi asohotse ibitaro agategereza kuboneza urubyaro nyuma y\u2019ibyumweru bibiri cyangwa bitatu, ashobora gusama mbere y\u2019uko atangira iyo gahunda\u201d.
\nIkindi uyu muyobozi avuga ni uko ababyeyi iyo bamaze gutaha, abagaruka kwa muganga gukoresha iyi gahunda ngo ni mbarwa, bamwe ngo ntibaba bakibonetse.
\n Ubukangurambaga bwimbitse, butarimo agahato<\/strong>
\nMu myumvire y\u2019abatuye aka karere, ngo \u201cNta terambere rishoboka hatabonejwe urubyaro. Mu nzira zose umugore utwite\u00a0 asaba serivisi bamukangurira kuboneza urubyaro; bityo amezi icyenda akajya kugera yarafashe umwanzuro.
\nIzo nzira ni izi:
\nKu mujyanama b\u2019ubuzima babana mu mudugudu,
\nKu kigo nderabuzima ajya gupimisha inda, bikorwa incuro enye,
\nMu mabyariro (maternite) hatangirwa ibiganiro byo kuboneza urubyaro
\nMuri serivisi y\u2019ibitaro ishinzwe kuboneza urubyaro
\nMu kigo mbonezamirire aho umubyeyi afatira inyunganira ndyo n\u2019ifashabere
\nNdetse n\u2019aho abana bafatira inkingo.
\nAha hantu hose umubyeyi anyura niko ahakura ubutumwa bumukangurira kuboneza urubyaro, bikaba aribyo bituma kubikora umubyeyi akiri kwa muganga byitabirwa cyane.
\n N\u2019abagabo barakangurirwa kuboneza urubyaro<\/strong>
\nMuri aka karere ariko, ubwitabire bw\u2019abagabo mu kuboneza urubyaro buracyari hasi cyane, ngo kuko nta na 1% bahari. Dogiteri Muhire ati, \u201cUburyo bwo kuboneza urubyaro ku bagabo ni bumwe kandi ni ubwa burundu. Ibi bituma umubare wabo uhora hasi cyane, kuko haza umugabo umwe mu mezi atatu. Ni ukuvuga ko umubare wabo ari zeru n\u2019ibice ku ijana (0,0\u2026%).
\nUyu muyobozi ariko yemeza ko benshi mu bagabo n\u2019abagore bazi akamaro ko kuboneza urubyaro. Ati \u201ciyo umuturage yibaza uko abana abyara bazabaho, aba yamaze gutangira gufasha Leta, kuko umwana azakenera kwiga, no kwivuriza mu bitaro hari n\u2019ibyo abisaba bidafite\u201d.
\nUyu muyobozi uhamya ko \u2018Nta kuboneza urubyaro nta terambere rishoboka\u2019, agereranya abana nk\u2019abashyitsi badataha. Ati, \u201cIbaze ufite abashyitsi icumi mu rugo bakahamara ukwezi, wumve ibyo ubatungishije; noneho abana bo ntibataha ubatunga igihe cyose, \u2026.\u201d.
\nUmuyobozi w\u2019akarere ka Rwamagana, Mbonyumuvunyi Radjab, avuga ko bakangurira abantu bose kuboneza urubyaro. Ati, \u201cNtitubabwira kubyara umwe, babiri cyangwa batatu. Tubabwira kubyara mu rugero, bakabyara abo bashoboye, aho kubyara uwo utazi uko azabaho ejo akaba mayibobo\u201d.
\nMu nteko y\u2019abaturage b\u2019akagari ka Ruhunda, mu murenge wa Gishari yateranye kuru uyu wa kabiri tariki 20 Werurwe, Meya akangurira abagabo nabo kwitabira kuboneza urubyaro bakabigira ibyabo.
\nNubwo imibarevihindagurika, umwaka wa 2017 warangiye aka karere ari aka gatanu mu kuboneza urubyaro, ku ijanisha rya 55%. Muri Gashyantare 2018, kari kageze ku ijanisha rya 53%.
\n\u00a0
\n Karegeya Jean Baptiste<\/strong>
\n Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube