{"id":9699,"date":"2018-03-28T14:13:20","date_gmt":"2018-03-28T14:13:20","guid":{"rendered":"https:\/\/new.bwiza.com\/2018\/03\/28\/perezida-kagame-arasaba-abayobozi-mu-nzego-z-ibanze-gutekereza-ku-mibereho-y\/"},"modified":"2025-02-12T14:31:40","modified_gmt":"2025-02-12T12:31:40","slug":"perezida-kagame-arasaba-abayobozi-mu-nzego-z-ibanze-gutekereza-ku-mibereho-y","status":"publish","type":"post","link":"https:\/\/bwiza.com\/?p=9699","title":{"rendered":"Perezida Kagame arasaba abayobozi mu nzego z\u2019ibanze gutekereza ku mibereho y\u2019abo bayobora"},"content":{"rendered":"

Perezida Kagame arasaba abayobozi bo mu nzego z\u2019ibanze mbere na mbere kubanza gutekereza ku mibereho yabo bayobora, mbere yo gutekereza ku buzima bwabo bwite.<\/em> <\/strong>
\nUbwo yitabiraga umuhango wo gutangiza ku mugaragaro umwiherero w’abayobozi bo mu nzego z’ibanze, kuri uyu wa Gatatu tariki ya 28 Werurwe 2018, i Kigali kuri petit sitade, Perezida Kagame yabasabye kwita ku mibereho myiza y\u2019abayoborwa, ko ari nabyo bizabaha umurongo mwiza wo kwiteza imbere nk\u2019abayobozi.
\nAti \u201cAbayobozi tugomba gutekereza uko dukorera abaturage bacu. Ntabwo abayobozi baberaho kwireba. Iyo uri umuyobozi, kugira ngo ubeho neza n’abawe babeho neza ugomba kuba utekereza abandi uko babayeho, n\u2019uko babaho neza\u201d.
\nAkomeza abasaba guhagarara neza mu nshingano, bike igihugu gifite bikabyazwa umusaruro, by\u2019umwihariko nk\u2019Abanyarwanda bose bagahora banatekereza ku buryo nta we ugomba kubuza igihugu umudendezo.
\nAti \u201cNk’Abanyarwanda tugomba guhora dutekereza uburyo bwinshi butandukanye bw’ukuntu igihugu cyacu ntawakibuza ubuhumekero,.. Tugomba guhora dutekereza kandi dukora ku buryo budasanzwe. Dukoze nk’uko abadafite ibibazo nk’ibyacu bakora, ntabwo twaba dukora neza,\u2026 Buri wese muri twe agomba guhora atekereza uruhare rwe, kandi akumva ko arufite\u201d.
\nDushoboye kunoza imikorere yacu, byadufasha kugera kubyo twifuza. Iyi niyo ntego y’uyu Mwiherero. Nk’u Rwanda, kubera aho dutuye nk’igihugu kidakora ku nyanja, akenshi hari ubwo uko tugera kubyo twifuza bigenwa n’uko ibintu bimeze mu baturanyi”.
\n Arasaba abayobozi gukorana, bakuzuzanya\u00a0<\/strong>
\nPerezida Kagame yabwiye aba bayobozi bari mu mwiherero ko bikwiye ko bajya bakorana mu nzego barimo, bakuzuzanya, bagahanahana amakuru, ko ibyo bizaborohereza mu mikorere, bikaba n\u2019inyungu ku gihugu.
\nAti \u201cGukorana na mugenzi wawe, kuvugana n’abo dukorana bo mu zindi nzego, kuzuzanya no kujya inama bigomba kuba umuco, ntiduhore tubyibutswa. Ibi bizana inyungu kuri twese no ku gihugu cyacu,\u2026 hari nubwo usanga hari n’abashinzwe ibisa nibyo twaganiriye ariko hakabura guhuza ibikorwa no kuvugana kugira ngo ibintu bishyirwe mu ngiro. Umuntu aribaza ati ‘Habuze iki?Tugomba kwirinda guhora duhangana n’ibibazo twitera, tugahangana n’ibindi byinshi bihari kandi dufite inshingano yo gukemura\u201d.
\nAkomeza agira ati \u201cTugomba kurwana intambara yo kurwanya ubukene, abana bacu ntibagire imirire mibi, abaturage bacu be kurwara amavunja. Tureke umuco wo kwikomeza no kwiremereza, dufatanye n’abaturage turwanye ubukene twese hamwe. Mureke duhindure imikorere, umwanya tumara mu biro n’uwo tumara tujya mu nama, tuwumare tuganira n’abaturage dushakira hamwe umuti w’ibibazo dufite\u201d.
\nPerezida Kagame arasaba aba bayobozi bagiye kumara iminsi itatu muri uyu mwiherero, kuzawuvamo batahanye imikorere n’imyumvire mishya, ati “Ntabwo twaba abantu bahora biyemeza guhinduka ariko twasubira iwacu ugasanga turacyakora nk’uko twakoraga mbere”.
\nInsanganyamatsiko y\u2019uyu mwiherero uzamara iminsi itatu igira iti \u201c Imiyoborere mpinduramatwara ishingiye ku muturage<\/strong> <\/em> \u201d, witabiriwe n\u2019abayobozi 1300 barimo Abanyamabanga Nshingwabikorwa b\u2019imirenge, abajyanama b\u2019uturere n\u2019Umujyi wa Kigali; abanyamabanga Nshingwabikorwa b\u2019uturere n’abandi.
\n\"\"
\n\"\" \"\" \"\" \"\"\u00a0\"\"
\n Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube