{"id":9722,"date":"2018-03-30T09:43:47","date_gmt":"2018-03-30T09:43:47","guid":{"rendered":"https:\/\/new.bwiza.com\/2018\/03\/30\/trump-yahaye-u-rwanda-amezi-2-yo-kwisubiraho-ku-guca-caguwa-cyangwa-rukavanwa\/"},"modified":"2018-03-30T09:43:47","modified_gmt":"2018-03-30T09:43:47","slug":"trump-yahaye-u-rwanda-amezi-2-yo-kwisubiraho-ku-guca-caguwa-cyangwa-rukavanwa","status":"publish","type":"post","link":"https:\/\/bwiza.com\/?p=9722","title":{"rendered":"Trump yahaye u Rwanda amezi 2 yo kwisubiraho ku guca caguwa cyangwa rukavanwa muri AGOA"},"content":{"rendered":"

Perezida Donald Trump, yatangaje ko mu mezi abiri ari imbere u Rwanda nirutisubiraho mu kubahiriza ibisabwa mu itegeko rya AGOA, ryorohereza ibihugu bya Afurika yo munsi y\u2019Ubutayu bwa Sahara gushora ibicuruzwa byabyo muri Leta Zunze Ubumwe za Amerika, ruzahagarikwa.
\nPerezida Trump akaba yatangaje ko u Rwanda ruzahagarikwa muri AGOA bitewe n\u2019uko ngo rwashyizeho imbogamizi ku iyinjizwa ry\u2019imyambaro yakoreshejwe ituruka muri Amerika nk\u2019uko byatangajwe n\u2019abayobozi kuri uyu wa kane ushize.
\nPerezida Trump ngo akaba asanga u Rwanda rutagaragaza ubushake mu kuvanaho inzitizi ku bucuruzi n\u2019ishoramari bya Amerika nk\u2019uko bikubiye mu gike cy\u2019104 cy\u2019amasezerano ya AGOA.
\nItangazo ryashyizwe ahagaragara rikaba rivuga ko guhagarika by\u2019agateganyo ibicuruzwa by\u2019u Rwanda kuri iri soko ari byo bikwiye kurusha kuruvanamo burundu byerekana umuhate wa Leta Zunze Ubumwe za Amerika n\u2019u Rwanda mu gukemura ibi bibazo.
\nNubwo bimeze gutyo, ukuriye ibiro by\u2019ubucuruzi bwa Leta Zunze Ubumwe za Amerika avuga ko ibindi bihugu nka Kenya, Tanzania na Uganda byo bitazagerwaho n\u2019iki cyemezo nyuma yo kwemera gukuraho izo mbogamizi ku myambaro yakoreshejwe ituruka muri iki gihugu cya mbere cy\u2019igihangange ku isi. Icyemezo cyafatiwe u Rwanda kikaba kizatangira kubahirizwa mu minsi 60.
\nUhagarariye ubucuruzi bwa Leta Zunze Ubumwe za Amerika, C.J. Mahoney, akaba avuga ko perezida Trump yafashe icyemezo cyo guhagarika gusonera u Rwanda aho gukuraho kurusonera binyuze muri gahunda ya AGOA kuko ngo hazakomeza kureba uko isoko ry\u2019imyambaro yakoze ryagaruka ndetse u Rwanda rukumvishwa ko rugomba kubahiriza ibiteganywa na AGOA.
\nMu 2016 nibwo ibihugu byo muri Afurika y\u2019Iburasirazuba byatangaje ko bizahagarika gutumiza imyambaro n\u2019inkweto byambawe mu 2019 mu rwego rwo kurinda inganda zo mu karere guhatana.
\nBinyuze muri AGOA, u Rwanda, Tanzania na Uganda byohereje muri Amerika ibicuruzwa bifite agaciro ka miliyoni 43 z\u2019amadolari mu 2016 bivuye kuri miliyoni 33 z\u2019amadolari mu 2015. Nyamara ibicuruzwa Amerika yohereje mu Rwanda, Tanzania na Uganda byo byageze kuri miliyoni 281 z\u2019amadolari mu 2016, bivuye kuri miliyoni 257 z\u2019amadolari mu 2015.
\nMinisitiri w\u2019Ubucuruzi n\u2019Inganda, Munyeshyaka Vincent, akaba aherutse gutangaza ko mu bucuruzi u Rwanda rukorana na Leta Zunze Ubumwe za Amerika (USA), nta mafaranga menshi rwinjiza binyuze muri gahunda ihuza icyo gihugu n\u2019iby\u2019Afurika yo munsi y\u2019Ubutayu bwa Sahara (AGOA), nyamara iri kwifashishwa mu kwamagana ibihugu byaciye intege caguwa, bishaka guteza imbere inganda zabyo.
\n\u00a0
\n Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a>
\n\u00a0<\/p>\n

\n
\"YouTube