{"id":9737,"date":"2018-03-31T10:31:10","date_gmt":"2018-03-31T10:31:10","guid":{"rendered":"https:\/\/new.bwiza.com\/2018\/03\/31\/nyamasheke-ibura-ry-abasoromyi-b-icyayi-rihangayikishije-abahinzi-bacyo\/"},"modified":"2025-02-05T14:21:07","modified_gmt":"2025-02-05T12:21:07","slug":"nyamasheke-ibura-ry-abasoromyi-b-icyayi-rihangayikishije-abahinzi-bacyo","status":"publish","type":"post","link":"https:\/\/bwiza.com\/?p=9737","title":{"rendered":"Nyamasheke: Ibura ry\u2019abasoromyi b\u2019icyayi rihangayikishije abahinzi bacyo"},"content":{"rendered":"

Ubuyobozi n\u2019abahinzi b\u2019icyayi ba koperative y\u2019abahinzi bacyo ya COOPTHE Mwaga-Gisakura ikorana n\u2019uruganda rw\u2019icyayi rwa Gisakura mu karere ka Nyamasheke, bavuga ko bafite ikibazo gikomeye cyane cyo kubona abasoromyi b\u2019icyayi ndetse n\u2019abagikorera.<\/em> <\/strong>
\nMu kiganiro na Bwiza.com, umuyobozi wa COOPTHE Mwaga-Gisakura,Ngirinshuti Callixte\u00a0 yavuze ko \u00a0ari ikibazo kibakomereye cyane,kuko kugeza ubu bafite\u00a0 abasoromyi 450 gusa bagombye\u00a0 kuba\u00a0 nibura \u00a01000.
\nNgo\u00a0 iri gabanuka rigira ingaruka zikomeye cyane ku musaruro babona,kuko\u00a0 nk\u2019ubu ngo babona\u00a0 toni 5 n\u2019ibilo 66 gusa kuri hegitari kandi bifuzaga nibura izigera ku 8, ngo bigaterwa n\u2019uko igisigara mu mirima basoroma kiba cyinshi,ubuke bw\u2019abagisoroma na bwo bugatuma hari ikidasoromwa,igihombo kigakomeza kuba ku bahinzi bacyo,kuko kugeza ubu iyi koperative ikiri inyuma mu musaruro ugereranije n\u2019andi\u00a0 baturanye.
\nMu gushaka kumenya\u00a0 impamvu y\u2019iki kibazo, Bwiza.com yegereye\u00a0 bamwe mu basoromyi bayitangariza ko umushahara\u00a0 muke \u00a0babona ari wo utuma batitabira kugisoroma n\u2019abagisoromye bakabikora nabi kuko baba babona bidasubiza ikibazo cyabo cy\u2019umushahara utajyanye\u00a0 n\u2019isoko.
\nUmwe muri bo yagize ati “amafaranga duhabwa \u00a0ni make cyane ku buryo bitadutera imbaraga zo kugisarura twishimye cyangwa turi benshi, ni yo mpamvu haza bake n\u2019abaje bagasoroma badashyira mo ubwitange kikisigariramo.
\nNk\u2019ubu baduha amafaranga 35 ku kilo cy\u2019icyayi kibisi kandi ahandi barayarenza, ari na kure kuko hegereye pariki y\u2019igihugu ya Nyunwge no kugera yo ari ikindi kibazo,umuntu agasanga ameze nk\u2019ukorera ubusa tugahitamo kubyihorera.\u2019\u2019
\nYakomeje agira ati “ntituyobewe ko iyo tugisoromye \u00a0nabi gitakaza uburyohe bwacyo no kugisiga mu mirima bigatubya umusaruro,ariko natwe igihe tutishimiye amafaranga duhabwa nta kindi twakora ngo twerekane ko tutishimye,keretse kubyihorera cyangwa gukora ibyo dushoboye kuko tuba tubona twitangira ubusa.\u2019\u2019
\nIki kibazo inteko rusange y\u2019abahinzi b\u2019icyayi b\u2019iyi koperative yarateranye iragisuzuma isanga koko\u00a0 amafaranga aba basoromyi bahabwa ari make ugereranije n\u2019izamuka ry\u2019ibiciro ku masoko, bavuga ko bagiye kongeza aya mafaranga nk\u2019uko uyu muyobozi yabibwiye Bwiza.com.
\nYagize ati “ntibivuze ko tutabahembaga neza,ahubwo byatewe n\u2019uko ayo twabahembaga atari akijyanye n\u2019ibiciro ku masoko, bikaba byatumaga tugira ikibazo gikomeye cyane cyo kubabura n\u2019ababonetse\u00a0 bakagisoroma nabi bagisigamo\u00a0 ntibiduhe umusaruro twifuzaga. Umusoromyi yahabwaga amafaranga 35 ku kilo cy\u2019icyayi kibisi,ariko kuva ku wa 01 Mata\u00a0\u00a0 uyu mwaka\u00a0 azajya ahabwa amafaranga 45, abandi bacyitaho mu kugikorera na bo twabavanye ku mafaranga 800 ku munsi tubashyira ku \u00a01000.\u2019\u2019
\nYakomeje agira ati ” biriyongeraho ibindi umusoromyi abona,nk\u2019 igikoma ku manywa, itaburiya na kantine afatamo ibyo akeneye akazabyishyura yahembwe,n\u2019ibindi, tukizera \u00a0ko bagiye gusoroma neza icyayi cyinshi,batagisigamo,tukizera umusaruro urushijeho kuba mwinshi mu bwinshi no mu bwiza\u00a0 ubutaha.\u2019\u2019
\nYavuze ko ariko n’ubwo kitasoromwaga neza ,uyu mwaka ari bwo bwa mbere bungutse cyane mu myaka 5 ishize kuko bungutse asaga 11.000.000 bitaherukaga,no mu mikoranire yabo n\u2019uruganda rw\u2019icyayi bakazahabwa agahimbazamusyi k\u2019amafaranga agera kuri 65.000.000 bitaherukaga,agahera aha asaba abahinzi, abasoromyi n\u2019abandi bose barebwa n\u2019ubuhinzi bw\u2019icyayi gukomeza gushyiramo imbaraga nyinshi kugira ngo umusaruro ukomeze wiyongere mu bwinshi no mu bwiza.
\nCOOPTHE Mwaga-Gisakura igizwe n\u2019abanyamuryango 697 bahinga icyayi kuri hegitari 647, ubuyobozi bukavuga ko kugeza ubu bufite abasoromyi 450 gusa kandi hakenewe nibura abasoromyi 1000.
\n Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube