{"id":9739,"date":"2018-03-31T11:27:37","date_gmt":"2018-03-31T11:27:37","guid":{"rendered":"https:\/\/new.bwiza.com\/2018\/03\/31\/burundi-haravugwa-icengera-ry-abantu-bitwaje-intwaro-bikekwa-ko-ari-interahamwe\/"},"modified":"2025-02-12T14:31:15","modified_gmt":"2025-02-12T12:31:15","slug":"burundi-haravugwa-icengera-ry-abantu-bitwaje-intwaro-bikekwa-ko-ari-interahamwe","status":"publish","type":"post","link":"https:\/\/bwiza.com\/?p=9739","title":{"rendered":"Burundi: Haravugwa icengera ry\u2019abantu bitwaje intwaro bikekwa ko ari Interahamwe"},"content":{"rendered":"

Mu Ntara ya Cibitoke yo mu gihugu cy\u2019u Burundi haravugwa amakuru y\u2019abantu bitwaje ibirwanisho bikekwa ko ari Interahamwe ngo bamaze iminsi binjiriye muri Komini Buganda, abaturage bo muri iki gice bakaba bafite impungenge z’uko hari ikintu kitari cyiza cyaba kiri gutegurwa.
\nBiravugwa ko ako gatsiko k\u2019inyeshyamba z\u2019Abanyarwanda ikinyamakuru cyo mu Burundi dukesha iyi nkuru cyise Interahamwe, ngo kinjiye mu Burundi kari kumwe n\u2019Imbonerakure kuwa kabiri w\u2019icyumweru gishize ahagana saa 20h z\u2019ijoro. Ngo bari agatsiko k\u2019abantu bagera nko muri 50 bafite imbunda. Mu kugera muri Komini Buganda, RPA iravuga ko bakiriwe na bamwe mu bayobozi b\u2019igipolisi nk\u2019uko uwahaye amakuru iki kinyamakuru abyemeza.
\nUyu\u00a0 mutangabuhamya agira ati: \u201cHari kuwa Kabiri, itariki 20 Werurwe, ubwo Interahamwe zaturutse muri Congo zikinjira mu Burundi. Banyuze Sange binjira banyuze muri Komini Buganda. Bari abagabo basaga 50. Bahageze ahagana saa 17h30, barambuka kugeza saa 20h00. Bageze I Buganda, hafi ya brigade,.., hari abapolisi batatu bo kubakira. Ariko ntabwo tuzi aho abo bagabo berekeje nyuma.\u201d
\nIyi nkuru irakomeza ivuga ko urubyiruko rw\u2019ishyaka riri ku butegetsi ruzwi nk\u2019Imbonerakure rwari rumaze iminsi ari rwo rukora amarondo amanywa n\u2019ijoro hafi y\u2019umugezi wa Rusizi, ahari ngo bakaba barateguraga kuza\u00a0 kw\u2019izo Nterahamwe nk\u2019uko uwo mutangabuhamya yakomeje avuga.
\nAragira ati: \u201cMu minsi ishize, Imbonerakure zangiye buri muntu wese kugera ku mugezi wa Rusizi. Bakoraga amarondo bigaragara ko bari babategereje.\u201d
\nAbaturage ba Komini Buganda ngo batewe impungenge n\u2019ako gatsiko batazi icyakazanye.
\nUmwe mu bayobozi b\u2019ibanze aragira ati: \u201cAbaturage bafite impungenge. Babonye abantu bitwaje intwaro batazi ikibagenza. Bafite impungenge kubera ko batazi icyo baje gukora. Abaturage baratinya ko ibyaha cyangwa ubwicanyi byaba biri gutegurwa.\u201d
\nUrubuga rwa RPA ruravuga ko rwagerageje kuvugisha kuri iki kibazo umuyobozi wa Komini Buganda, Emmanuel Bigirimana, ariko ntibirukundire.
\n\u00a0
\n Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube