{"id":9745,"date":"2018-03-31T14:31:50","date_gmt":"2018-03-31T14:31:50","guid":{"rendered":"https:\/\/new.bwiza.com\/2018\/03\/31\/rusizi-imyemerere-ishingiye-ku-madini-inzitizi-ikomeye-muri-gahunda-yo-kuboneza\/"},"modified":"2025-02-12T14:31:12","modified_gmt":"2025-02-12T12:31:12","slug":"rusizi-imyemerere-ishingiye-ku-madini-inzitizi-ikomeye-muri-gahunda-yo-kuboneza","status":"publish","type":"post","link":"https:\/\/bwiza.com\/?p=9745","title":{"rendered":"Rusizi: Imyemerere ishingiye ku madini, inzitizi ikomeye muri gahunda yo kuboneza urubyaro"},"content":{"rendered":"

Akarere ka Rusizi niko ka nyuma mu gihugu cyose \u00a0muri gahunda yo kuboneza urubyaro, aho ubu kari kuri 27,5%,ubuyobozi\u00a0 n\u2019abajyanama b\u2019ubuzima bagashyira mu majwi imyemerere ishingiye ku madini mu kudindiza iyi gahunda.<\/em> <\/strong>
\nMu bukangurambaga buherutse gukorwa muri aka karere muri gahunda yo kuboneza urubyaro,ubuyobozi bwako buvuga ko abagera ku 3000 bafashe gahunda yo kuruboneza,ariko ngo na bo babonetse ha mana kuko ngo hari n\u2019amadini,ku bigo nderabuzima n\u2019ibitaro byayo, atemera bumwe mu buryo bukoreshwa kandi biyobokwa na benshi kubera izndi serivisi nziza bahabona.
\nMukabayizere Francine utuye mu murenge wa Gihundwe, Bwiza.com yasanze yaje gukingiza umwana ku kigo nderabuzima cya Gihundwe ,avuga ko afite abana 3,umukuru afite imyaka 3,5 umuto afite ukwezi n\u2019igice,we akaba afite imyaka 28 kandi ukwezi kwe kukaba ngo guhinduka cyane,ku buryo gusama vuba akibyara bishoboka cyane,kubyara abo adashoboye kurera akaba abifitiye impungenge,ariko ngo akagira n\u2019izindi aterwa n\u2019abamuca intege.
\nYagize ati “numva nakwitabira izi gahunda rwose kandi n\u2019abajyanama b\u2019ubuzima barabidukangurira cyane. Ariko mfite impungenge z\u2019abansha intege bambwira ko uburyo bw\u2019ibinini n\u2019inshinge bugira ingaruka mbi cyane zirimo kurwara umugongo cyangwa umutwe udakira,kubisamiraho n\u2019ibindi,aho nsengera na ho bambwiye ko ari icyaha gikomeye cyane kandi uburyo bwa kamere buratugora cyane mu rugo. Sinzi rero icyo nakora kandi imibereho yanjye na yo iragoye.\u2019\u2019
\nMukamana Th\u00e9opiste,umujyanama w\u2019ubuzima ukorana n\u2019ikigo nderabuzima cya Gihundwe,na we yabwiye Bwiza.com ko imbogamizi zikomeye bafite ari izishingiye ku myemerere ishingiye ku madini, kuko benshi bavuga ko ari icyaha kibi batakora.
\nAti “turagerageza ariko ababyeyi ntibabyuma kimwe. Abatwumva ni bake cyane kuko benshi bavuga ko bihabanye n\u2019ubukirisitu,ko ari icyaha gikomeye,ku buryo nko mu bantu 10 tuganiriza,ababyemera baba batarenze 2 nubwo na bo ingaruka \u00a0zo kutaboneza urubyaro bavuga ko bazizi ariko ngo ibyo babwirwa bindi kuri iyo gahunda n\u2019imyemerere yabo biri mu bibaca intege.\u2019\u2019
\nAvuga ko byiyongera ho ko n\u2019ababagabo bamwe batabyumva neza bikaba na byo byongera ubukana bw\u2019iki kibazo. Ngo mu byo bakangurira aba babyeyi harimo ibinini n\u2019inshinge,bamwe bakavuga ko aho basengera babakangurira uburyo bwa kamere,kwifungisha burundu cyo ngo ntibagikozwa.
\nMu kiganiro n\u2019abanyamakuru giherutse kuba muri aka karere,umuyobozi wako wungirije ushinzwe imibereho myiza y\u2019abaturage,Nsigaye Emmanuel\u00a0 yemeje aya makuru ko aka karere kari mu duhagaze nabi mu gihugu muri iyi gahunda,icyakora ko ubukangurambaga bwakozwe hagati mu kwezi kwa 2 kwatanze icyizere ko bishoboka.
\nAti “nibyo koko turi inyuma ariko usanga biterwa n\u2019imyemerere ishingiye ku madini iri mu baturage bacu,kimwe n\u2019amwe mu madini n\u2019amatorero ya gikirisitu atabushyiramo imbaraga,cyane cyane ko hari n\u2019atemera ko ibigo nderabuzima cyangwa ibitaro biyashamikiyeho bigezwamo gahunda nk\u2019izo kandi hivuriza abantu benshi,ugasanga ari ibibazo bikomeye cyane.\u2019\u2019
\nAvuga ko kimwe mu bigiye gukorwa ari ukubaka poste de sant\u00e9 iruhande rw\u2019ibitaro n\u2019ibigo nderabuzima by\u2019ayo madini n\u2019amatorero kugira ngo zo zifashe abaturage muri ubwo buryo,hamwe no gukomeza ubukangurambaga bwatangiwe urugo ku rundi kugira ngo barebe ko uyu mubare wakwiyongera kuko ubwari bwakozwe hagati muri Gashyantare uyu mwaka ngo bwongereyeho 3,5 ,aho bwatangiye bari kuri 24% bukarangira bari kuri 27,5%.
\n Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube