\n![\"YouTube](\"https:\/\/i.ytimg.com\/vi\/NMAqr66xSUA\/maxresdefault.jpg\")
Icyumba gishinzwe guca imanza ku byaha mpuzamahanga cy\u2019Urukiko Rukuru hagati muri uku kwezi kigiye kwimurirwa mu Karere ka Nyanza.<\/p>\n
Nk\u2019uko bitangazwa na Harrison Mutabazi , umuvugizi akaba n\u2019umugenzuzi w\u2019inkiko, ngo iki cyumba cyari cyarakiriwe mu biro by\u2019Urukiko Rukuru rwa Kigali kuva cyashyirwaho mu 2012.<\/p>\n
Yongeyeho ko inyubako kizakoreramo zirimo kuzura hakaba hari gushyirwamo ibizoroshya ikoranabuhanga kuko ibyumba by\u2019urukiko nk\u2019ibi bigomba kuba byujuje ibyangombwa, bakaba bizeye ko vuba muri uku kwezi kwa kane, buri kintu kizaba cyimuwe I Kigali nk\u2019uko yabitangarije The New Times.<\/p>\n
Mutabazi yongeyeho ko abacamnaza n\u2019abanditsi bose b\u2019urukiko bazimukira I Nyanza.<\/p>\n
Inyubako nshya iki cyumba\u00a0 kizakoreramo ngo zizaba zinarimo ishami ry\u2019ubushinjacyaha kuko Urwego Rukuru rw\u2019Ubushinjacyaha bw\u2019igihugu nabwo bufite igice kirebana n\u2019ibayaha mpuzamahanga.<\/p>\n
Mu Ukwakira 2015, Urukiko rw\u2019Ikirenga rwasinyanye amasezerano y\u2019ubwimvikane (MoU) n\u2019ikigo cy\u2019ubwubatsi cya Horizon yo kubaka inyubako izatwara miliyari 2,3 z\u2019amanyarwanda mu Murenge wa Busasamana, yatewe inkunga na guverinoma y\u2019u Rwanda n\u2019u Buholandi.<\/p>\n
Iyi nyubako ngo ikazafasha icyumba gishinzwe gukurikirana ibyaha mpuzamahanga kuba ku rwego mpuzamahanga mu bijyanye n\u2019ibikoresho bizafasha kubika neza amadosiye n\u2019inyandiko.<\/p>\n
Icyumba cy\u2019Urukiko Rukuru gishinzwe gukurikirana ibyaha mpuzamahanga cyashinzwe mu 2012 kigomba kuburanisha abantu bashinjwa uruhare muri jenoside, ibyaha by\u2019intambara n\u2019ibyaha byibasiye inyokomuntu boherejwe mu Rwanda bavanwe mu mahanga no mu rukiko mpuzamahanga mpanabyaha rwashyiriweho u Rwanda.<\/p>\n
Uru rukiko ngo rukaba runumva ibirego by\u2019icuruzwa ry\u2019abantu.<\/p>\n
\u00a0<\/p>\n
Kanda kuri SUBSCRIBE ujye ubona ibiganiro n\u2019indirimbo bishya<\/a><\/strong> <\/p>\n\n