{"id":9760,"date":"2018-04-03T09:05:49","date_gmt":"2018-04-03T09:05:49","guid":{"rendered":"https:\/\/new.bwiza.com\/2018\/04\/03\/nari-navunikiye-mu-myitozo-ya-karate-museveni-asobanura-impamvu-yananiwe\/"},"modified":"2025-02-12T14:30:54","modified_gmt":"2025-02-12T12:30:54","slug":"nari-navunikiye-mu-myitozo-ya-karate-museveni-asobanura-impamvu-yananiwe","status":"publish","type":"post","link":"https:\/\/bwiza.com\/?p=9760","title":{"rendered":"Nari navunikiye mu myitozo ya karate \u2014 Museveni asobanura impamvu yananiwe gusuhuza neza Kagame"},"content":{"rendered":"

Perezida Yoweri Kaguta Museveni wa Uganda yahishuye impamvu ukuboko kwe kwari kuziritse bande ndetse bikaza kumubera ikibazo kubasha gusuhuzanya na perezida Kagame ubwo aheruka muri Uganda, avuga ko yari yavunikiye mu myitozo y\u2019umukino njyarugamba uzwi nka karate.<\/p>\n

Perezida Museveni ubwo yakiraga mugenzi we w\u2019u Rwanda, Paul Kagame mu ngoro ye iri Entebbe mu mpera z\u2019ukwezi gushize, yagaragaye ku mafoto aziritse bande ku kaboko k\u2019iburyo ndetse bitewe n\u2019ukuntu yananiwe gusuhuza neza mugenzi we bituma bamwe bavuga ibintu bitandukanye ku mbuga nkoranyambaga.<\/p>\n

Ikinyamakuru Chimpreports kivuga ko bamwe muri aba bavugaga ko Museveni afite ikibazo cy\u2019umwijima ndetse yari arimo arakorerwa operation izwi nka dialysis mu ndimi z\u2019amahanga.<\/p>\n

Ariko, abinyujije ku rubuga rwe rwa twitter ari kuganira n\u2019abamukurikira kuri iki Cyumweru, perezida Museveni yavuze ko yari yavunitse yavunikiye mu myitozo ya karate.<\/p>\n

Ibi akaba yarabivuze asubiza ikibazo cy\u2019umuntu ukoresha twitter witwa Tom Olarker aho yagize ati: \u201c Kuva mu 1976, ndi umukinnyi wa karate utarabigize umwuga. Iyo myitozo imfasha kumererwa neza ndetse n\u2019iyo mvuye mu biro mu gicuku nkora imyitozo<\/em> .\u201d<\/p>\n

Museveni yongeyeho ko rimwe rero yagize gutya akavunika mu ruteranyirizo rw\u2019ukuboko n\u2019ikiganza ari muri iyo myitozo mbere yo kuvuga ko ubuhanga muri karate ari bumwe mu butifashisha intwaro bukigishwa abashinzwe umutekano no muri iki gihe.<\/p>\n

Iyi si inshuro ya mbere perezida Museveni yari agaragaye yavunitse ukuboko kandi kw\u2019ibury, kuko mu 2005 yagiye muri Leta Zunze Ubumwe za Amerika afite akaboko kaziritseho bande nk\u2019uko kwari kumeze mu minsi ishize nabwo gusuhuzanya na Obama birananirana amuha akaboko k\u2019imoso ndetse Obama anamukiniraho aramubaza ati: \u201c Hari umuntu wakurakaje umurebera igipfunsi?<\/em> \u201d.<\/p>\n

Museveni aramusubiza ati: \u201c Ni impanuka gusa<\/em> \u201d.<\/p>\n

Icyo gihe perezida Museveni ariko yavuze ko ukuboko kwe yagukubise urugi rw\u2019imodoka ubwo yihutaga ashaka kujya mu Buyapani kukavunika.<\/p>\n

\u00a0<\/p>\n

Kanda Subscribe kuri Bwiza TV ujye ubona videwo zigezweho z\u2019ubuzima,imikino,imyidagaduro\u2026<\/a><\/p>\n

\u00a0<\/p>\n

\n
\"YouTube