{"id":9771,"date":"2018-04-03T16:24:20","date_gmt":"2018-04-03T16:24:20","guid":{"rendered":"https:\/\/new.bwiza.com\/2018\/04\/03\/nyamasheke-akarere-karisunga-abafatanyabikorwa-mu-gukemura-ibibazo-birimo-n\/"},"modified":"2025-02-12T14:30:49","modified_gmt":"2025-02-12T12:30:49","slug":"nyamasheke-akarere-karisunga-abafatanyabikorwa-mu-gukemura-ibibazo-birimo-n","status":"publish","type":"post","link":"https:\/\/bwiza.com\/?p=9771","title":{"rendered":"Nyamasheke: Akarere karisunga abafatanyabikorwa mu gukemura ibibazo birimo n\u2019imirire mibi"},"content":{"rendered":"

Ubuyobozi bw\u2019akarere ka Nyamasheke buvuga ko hakenewe imbaraga\u00a0 zirushijeho hamwe n\u2019abafatanyabikorwa bako, kugira ngo imibereho y\u2019abaturage irusheho kuzamuka.<\/strong> <\/em> <\/p>\n

Ubuyobozi buvuga ko hakiri ibibazo akarere gahanganye nabyo kandi ko bikibangamiye imibereho myiza y\u2019abaturage, nk\u2019imirire mibi ikigaragara mu bana benshi, ibibazo by\u2019isuku bitaragera ku rwego rwifuzwa, ubukene bukigaragara mu baturage n\u2019ibindi.<\/p>\n

Mu kiganiro Bwiza.co yagiranye n\u2019umuyobozi w\u2019aka karere wungirije ushinzwe imibereho myiza y\u2019abaturage, Mukamana Claudette, \u00a0yavuze ko akarere kifuza ko abafatanyabikorwa bagaragara mu bifatika bizana impinduka zigaragara mu baturage.<\/p>\n

Agira ati \u2019\u2019 nk\u2019ubu dufite abana 546 bari mu mirire mibi, \u00a0ikibazo cy\u2019isuku kitararangira, cyane cyane iby\u2019ubwiherero n\u2019ibindi tugikemura, \u00a0byose tukifuza ko abafatanyabiikorwa bacu babigiramo uruhare rufatika bigakemuka burundu\u201d.<\/p>\n

Arakomeza agira ati \u201cIcyo twifuza cyane ni uko badufasha kwinjira mu kibazo cy\u2019iyi mirire mibi, ibikoni by\u2019umudugudu bigahabwa imbaraga, ntusange abaturage barwaza imirire mibi kandi basengera mu idini cyangwa itorero runaka, bafite umufatanyabikorwa uvuga ko ahakorera kandi ari cyo ashinzwe, ibi byose tukaba tugiye kubishyiramo izindi mbaraga, ibikorwa bikagira aho bikura umuturage n\u2019aho bimugeza\u201d.<\/p>\n

Bamwe mu baturage bo mu murenge wa Mahembe \u00a0bafite abana bafite ikibazo cy\u2019imirire mibi bavuga ko babiterwa n\u2019ubukene bukabije barimo, aho bamwe batabasha kubona n\u2019aho bahinga kandi nta n\u2019indi mirimo ibazanira amafaranga babona, cyane ko na VUP yabahaga akazi ngo itagihari.<\/p>\n

Umuyobozi w\u2019umushinga USAID Twiyubake ushyirwa mu bikorwa na Caritas Rwanda, Dr Karangwa Innocent avuga ko\u00a0 kuba muri aka karere hakigaragara abafite ikibazo cy\u2019imirire, atari indyo abaturage babura, ahubwo ko benshi batazi kurya neza.<\/p>\n

Ati ”\u00a0Bamwe twasanze batishoboye rwose ku buryo barwazaga imirire mibi ntibanabone mituweli, ariko,\u00a0tumaze kubereka ko ubushobozi buri muri bo, ubu bameze neza, barazigama, baragaburira abana\u00a0babo neza abandi bakabashyira mu mashuri,hakaba n\u2019ingo mbonezamikurire twashyizeho kandi\u00a0byatanze umusaruro ukomeye.\u00a0Numva ikibazo kiri mu myumvire y\u2019abaturage, ibiganiro nk\u2019ibi n\u2019abafatanyabikorwa n\u2019abayobozi banyuranye nkabona bizakemura ibi bibazo byose.\u2019\u2019<\/p>\n

Aka karere gatuwe n\u2019abaturage basaga 400.000 bamwe begereye ikiyaga cya kivu, abandi begereye pariki y\u2019igihugu ya Nyungwe, abandi bagaturira umuhanda wa kaburimbo bahawe na perezida Kagame,n\u2019ibindi by\u2019iterambere utasanga henshi mu gihugu,hakaba hakomeje kwibazwa impamvu gakomeza kuba aka nyuma mu iterambere, ubuyobozi bukavuga ko iki kibazo bwagihagurukiye.<\/p>\n

Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube