Minisiteri y\u2019ubucuruzi n\u2019inganda iratangaza ko icyemezo cya Leta Zunze Ubumwe za Amerika cyo guhagarika u Rwanda muri gahunda ya AGOA kubera guca caguwa ari uburenganzira bwazo.<\/p>\n
Itangazo rirebana n\u2019iri hagarikwa ry\u2019iyi minisiteri rikaba rivuga ko icyemezo cya Leta Zunze Ubumwe za Amerika cyo guhagarika kohereza imyenda hakuweho imisoro muri Amerika muri gahunda ya AGOA kije gikurikira icyemezo cy\u2019ibihugu bigize Umuryango wa Afurika y\u2019Iburazirazuba cyo kongera imisoro ku myenda ya caguwa hagamijwe guteza imbere ibikorerwa muri ibyo bihugu.<\/p>\n
Kuwa 29 Werurwe nibwo Perezida Donald Trump, yatangaje ko mu mezi abiri ari imbere u Rwanda nirutisubiraho mu kubahiriza ibisabwa mu itegeko rya AGOA, ryorohereza ibihugu bya Afurika yo munsi y\u2019Ubutayu bwa Sahara gushora ibicuruzwa byabyo muri Leta Zunze Ubumwe za Amerika, ruzahagarikwa.<\/p>\n
Perezida Trump akaba yaratangaje ko u Rwanda ruzahagarikwa muri AGOA bitewe n\u2019uko ngo rwashyizeho imbogamizi ku iyinjizwa ry\u2019imyambaro yakoreshejwe ituruka muri Amerika.<\/p>\n
Itangazo ryashyizwe ahagaragara na Leta Zunze Ubumwe za Amerika rikaba ryaravugaga ko guhagarika by\u2019agateganyo ibicuruzwa by\u2019u Rwanda kuri iri soko ari byo bikwiye kurusha kuruvanamo burundu kandi byerekana umuhate wa Leta Zunze Ubumwe za Amerika n\u2019u Rwanda mu gukemura ibi bibazo.<\/p>\n
Ni mu gihe minisitiri w\u2019Ubucuruzi n\u2019Inganda, Munyeshyaka Vincent, yari aherutse gutangaza ko mu bucuruzi u Rwanda rukorana na Leta Zunze Ubumwe za Amerika (USA), nta mafaranga menshi rwinjiza binyuze muri gahunda ihuza icyo gihugu n\u2019iby\u2019Afurika yo munsi y\u2019Ubutayu bwa Sahara (AGOA), nyamara iri kwifashishwa mu kwamagana ibihugu byaciye intege caguwa, bishaka guteza imbere inganda zabyo.<\/p>\n
Itangazo rya minisiteri y\u2019ubucuruzi rikaba rivuga ko AGOA ari gahunda y\u2019iterambere igenewe ibihugu bya Afurika, birimo n\u2019u Rwanda, igamije kuzamura ubucuruzi binyuze mu byoherezwa mu mahanga, ariko gukuraho inyungu u Rwanda rwakuraga muri AGOA bikaba ari icyemezo kiri mu bubasha bwa Leta Zunze Ubumwe za Amerika.<\/p>\n
\u00a0<\/p>\n