{"id":9774,"date":"2018-04-04T09:00:55","date_gmt":"2018-04-04T09:00:55","guid":{"rendered":"https:\/\/new.bwiza.com\/2018\/04\/04\/rusizi-abaturage-barasabwa-kudakinisha-indwara-y-umusipa-ifata-hafi-y-imyanya\/"},"modified":"2025-02-12T14:30:44","modified_gmt":"2025-02-12T12:30:44","slug":"rusizi-abaturage-barasabwa-kudakinisha-indwara-y-umusipa-ifata-hafi-y-imyanya","status":"publish","type":"post","link":"https:\/\/bwiza.com\/?p=9774","title":{"rendered":"Rusizi: Abaturage barasabwa kudakinisha indwara y\u2019umusipa ifata hafi y\u2019imyanya myibarukiro"},"content":{"rendered":"

Mu bitaro bya Mibilizi mu karere ka Rusizi hamaze iminsi abaganga b\u2019inzobere mu kubaga uburwayi baturutse mu gihugu cy\u2019u Bwongereza, aho babaze indwara y\u2019umusipa ku barwayi 17 bari barazahajwe nayo, bakaba bagira inama abaturage yo kudakinisha iyi ndwara no kuyivuza hakiri kare kubera ububi bwayo.<\/em> <\/strong> <\/p>\n

Mbarushimana Simon, umuganga w\u2019inzobere usanzwe avuka mu murenge wa Bugarama muri aka karere, akaba\u00a0 yaravanye n\u2019iyi kipe y\u2019abaganga mu Bwongereza, yatangarije Bwiza.com, ko indwara y\u2019umusipa\u00a0 ifata umuntu akabyimba hafi y\u2019imyanya myibarukiro,yagerageza kuhakanda ahasubizayo kikanga, kuko aba ari ubura buba bwaje bugasohokera ahongaho.<\/p>\n

Avuga ko\u00a0 hari nk\u2019ibyo Abanyarwanda bakunze kwita iromba, na byo ngo biba ari iyo ndwara. Ngo\u00a0 iyo umuntu atabazwe na bwa bura ubwabwo bwamanutse bushobora kugira ikibazo.<\/p>\n

Ngo bishobora kandi guterwa n\u2019uko inyama ubundi zakagombye gutuma ubura buguma imbere mu nda zibura ingufu ubwo bura bukamanuka bugateza ibibazo muri iriya myanya, umuntu agatangira kuribwa cyane.<\/p>\n

Yagize ati ” twabibonye cyane nko ku barwayi twavuye, bari bafite ubura bwamanutse bukajya muri iyo myanya, ku buryo nk\u2019igice cyo hasi ku myanya myibarukiro ku mugabo usanga cyarabyimbye cyane, abagore na bo \u00a0hafi aho hakabyimba bakaribwa bikabije,icyo dusaba abaturage kikaba ari uko\u00a0 igihe umuntu yiyumvamo ibyo bibazo agomba guhita agana abaganga byihutirwa bakamusuzuma akavurwa kuko ari indwara ivurwa igakira.\u2019\u2019<\/p>\n

Avuga kandi ko iyi ndwara igaragara cyane muri aka karere,ikaba iboneka cyane mu \u00a0bakunda gukora imirimo yo guterura ibiremereye, bikaba bigoye kuyirinda kuko ngo abenshi ako kazi kaba ari ko kabatunze bikagorana ku kirinda.<\/p>\n

Iyi ndwara kandi nk\u2019uko Mbarushimana Simon akomeza abivuga ngo n\u2019abana bato bashobora kuyivukana ariko umwana uyivukanye akiri munsi y\u2019imyaka 3 umubiri ukaba ushobora kugira imbaraga zo kuyikiza umuntu atavuwe,ariko ngo abarengeje iyo myaka bagomba kuyivuza.<\/p>\n

Abantu kandi ngo bagomba no kumenya imyitozo ngororamubiri bakora, kuko nk\u2019iyi yo guterura ibiremereye igomba kwitonderwa kuko iyitera.<\/p>\n

Nyirahabiyaremye P\u00e9lagie utuye mu murenge wa Gihundwe muri aka karere,avuga ko yari ayimaranye \u00a0imyaka 4 yose. Mbere ngo ntiyaribwaga ariko ngo yaje kugera ho araribwa cyane, agenda anywa imiti byanga kugeza ubwo yumviye ko aba baganga b\u2019inzobere baje muri ibi bitaro akaza akabagwa.<\/p>\n

Ati\u2019\u2019 nizeye gukira kuko bambaze mu buryo numvise nishimiye,kuko naribwaga hakaba n\u2019igihe ntabashaga kugenda,ariko ubu ndumva meze neza cyane.\u2019\u2019<\/p>\n

Igishya aba baganga b\u2019inzobere bazanye ngo bifuza ko cyanakwira mu bitaro byose byo mu Rwanda, \u00a0nk\u2019uko Umuyobozi mukuru w\u2019ibi bitaro, Dr Kazungu Patrice abivuga, ngo ni uko umurwayi aza akabagwa bugacya ataha, akagaburirwa mu bitaro akanarwazwa n\u2019abaganga, ku buryo nta wundi muntu uba agomba kumwitaho.<\/p>\n

Ati\u2019\u2019 ubu buryo buri hake cyane muri Afurika, iri rikaba ryari igerageza kandi twabonye n\u2019ino \u00a0bishoboka, mu kwezi kwa Cyenda cyangwa ukwa cumi bazagaruka ari ikipe nini, bazavura indwara zinyuranye, umurwayi\u00a0 atarushya abo mu muryango ngo bamurwaze cyangwa bamugemurire, kubikwiza mu bindi bitaro bikaba byaba ari ingenzi cyane, cyane cyane ko nka hano umuntu ubazwe yanamaraga iminsi 3 cyangwa 4 ariko aba bo kubera ikoranabuhanga rihambaye bakoresha, umurwayi amara umunsi umwe gusa amaze kubagwa agahita ataha.\u2019\u2019<\/p>\n

Dr Gareth Kessell, inzobere muri ubu buvuzi, avuga ko nibagaruka bazita kuri benshi cyane kuko basanze iyi ndwara ihagaragara cyane, bakaba banasigiye ibi bitaro bimwe mu bikoresho bikomeye byafasha mu buvuzi,birimo icyuma cyifashishwa mu gutera ikinya gifite agaciro karenga 3.500.000 by\u2019amanyarwanda.<\/p>\n

\"\"<\/p>\n

\"\"<\/p>\n

Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube