{"id":9814,"date":"2018-04-07T10:14:12","date_gmt":"2018-04-07T10:14:12","guid":{"rendered":"https:\/\/new.bwiza.com\/2018\/04\/07\/kigali-ibiganiro-by-iminsi-itatu-byigaga-ku-mateka-y-ibihugu-byabayemo-jenoside\/"},"modified":"2025-02-12T14:30:20","modified_gmt":"2025-02-12T12:30:20","slug":"kigali-ibiganiro-by-iminsi-itatu-byigaga-ku-mateka-y-ibihugu-byabayemo-jenoside","status":"publish","type":"post","link":"https:\/\/bwiza.com\/?p=9814","title":{"rendered":"Kigali: Ibiganiro by\u2019iminsi itatu byigaga ku mateka y\u2019ibihugu byabayemo jenoside n\u2019intambara byasojwe"},"content":{"rendered":"

Ikigo cy\u2019ubushakashatsi n\u2019ibikorwa bigamije amahoro(IRDP) kuri uyu wa 6 Mata 2018, ku bufatanye na Kaminuza yo muri Afurika y\u2019Epfo, Stellenbosch cyasoje inama yahuzaga abashakashatsi batandukanye mu rwego rwo\u00a0 kungurana ibitekerezo ku mateka y\u2019ibihugu byagiye bibamo jenoside ndetse n\u2019intambara.<\/em> <\/strong> <\/p>\n

Umuyobozi wa IRDP, Dr. Eric Ndushabandi yavuze ko icyo iyi nama yari igamije ari ukureba aho urugendo rwo kwiyubaka rugeze mu gihe mu Rwanda hagiye kwibukwa jenoside yakorewe Abatutsi ku nshuro ya 24, \u00a0hanarebwa uburyo abantu babanye n\u2019uburemere bw\u2019amateka yabo ndetse hanasuzumwa uburyo buri gihugu cyagiye gikora mu rwego rwo guhangana n\u2019ibibazo.<\/p>\n

Agira ati \u201cTwashingiye cyane ku kuzana abashakashatsi batandukanye bava mu bihugu bisaga birindwi cyane cyane mu bihugu byagiye bibamo jenoside ndetse n\u2019izindi \u2018catastrophe\u2019 nka apartheid (ivanguraruhu) muri Afurika y\u2019Epfo n\u2019ahandi. Twagiye tureba icyateye izo jenoside n\u2019ayo makimbirane\u201d.<\/p>\n

Uyu muyobozi yavuze ko muri ibi biganiro basanze Leta zikwiriye kubaka icyizere mu benegihugu ko ari bo shingiro ry\u2019ejo hazaza no kubaha umwanya bakibuka amateka yabo bikajyana no kubaha uburenganzira bwabo haba akazi, kwiga n\u2019ibindi kugira ngo hatabaho gusubira inyuma mu bijyanye n\u2019ubwiyunge.<\/p>\n

Ati \u201cAbaturage baramutse batiga, batabona akazi bashobora gutangira kwibaza: Ni uko ari njye,ni uko nkomoka aha, ibi bishobora kubasubiza ku kwihorera n\u2019ibindi\u201d.<\/p>\n

Dr.Eric Ndushabandi yongeyeho ko ibi bitagerwaho hatabayeho ubufatanye haba Leta, abahanga mu by\u2019ubuzima bwo mu mutwe n\u2019abashakashatsi ndetse hakaba hakorwa ubushakashatsi bwimbitse ku bijyanye n\u2019intambwe yatewe n\u2019Abanyarwanda mu kwiyunga kuko imibare ihari ubu ishaje.<\/p>\n

Umwe mu bitabiriye ibi biganiro,Diogene Karangwa avuga ku buryo Abanyarwanda babanye n\u2019ibikomere by\u2019amateka bibuka ndetse baniyubaka, yavuze ko Abanyarwanda bamaze gutera intambwe ifatika igana ku bwiyunge.<\/p>\n

Yagize ati \u201dMu muco w\u2019Abanyarwanda iyo urebye no mu migani yabo nko kuvuga ngo imfura ishinjagira ishira, amarira y\u2019umugabo atemba ajya mu nda, ubonako biyumanganya gusa ubona ko hari intambwe yatewe urebye imibanire y\u2019abarokotse jenoside n\u2019abayikoze\u201d.<\/p>\n

Mugenzi we ukomoka muri Leta Zunze Ubumwe za Amerika, Angela Jensen yavuze ko asanga urugendo rugana ku bwiyunge rukwiriye kujyana no kuba Umunyarwanda mwiza kandi ko iyi ari intambwe igomba guterwa n\u2019umuntu ku giti cye.<\/p>\n

Ikigo cy\u2019ubushakashatsi n\u2019ibikorwa bigamije amahoro gikorera mu Rwanda kikaba gikora ubushakashatsi ndetse no gutanga amahugurwa ku bijyanye n\u2019amahoro.<\/p>\n

Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube