{"id":9823,"date":"2018-04-08T08:03:55","date_gmt":"2018-04-08T08:03:55","guid":{"rendered":"https:\/\/new.bwiza.com\/2018\/04\/08\/rusizi-abarokotse-jenoside-bashengurwa-n-uko-abarundi-babahekuye-bacyidegembya\/"},"modified":"2025-02-12T14:30:10","modified_gmt":"2025-02-12T12:30:10","slug":"rusizi-abarokotse-jenoside-bashengurwa-n-uko-abarundi-babahekuye-bacyidegembya","status":"publish","type":"post","link":"https:\/\/bwiza.com\/?p=9823","title":{"rendered":"Rusizi: Abarokotse Jenoside bashengurwa n\u2019uko Abarundi babahekuye bacyidegembya"},"content":{"rendered":"

Kwibuka Jenoside yakorewe Abatutsi mu 1994, ku rwego rw\u2019akarere ka Rusizi byabereye\u00a0 mu murenge wa Muganza, umwe mu mirenge igize ikibaya cya Bugarama mu cyahoze\u00a0 ari komini Bugarama naho hakaba haraguye Abatutsi batagira ingano muri Jenoside, aho bamwe bajugunywe mu nzuzi n\u2019imigezi,imibiri ishyinguye mu rwibutso rwa Jenoside rwa Muganza yabonetse ikaba ari 242 gusa.<\/em> <\/strong> <\/p>\n

Abarokotse Jenoside yakorewe Abatutsi bo mu mirenge igize iki kibaya bongeye kugaragaza agahinda gakomeye bakomeje guterwa n\u2019Abarundi babahekuye bakabamarira ababo,ariko ubu bakaba bidegembya mu gihugu cyabo nta we ubakoraho,bamwe ngo bakaba barahinduye n\u2019amazina ku buryo badakurikiranywe vuba bazanasibanganya ibimenyetso bakazapfa batamenyekanye.<\/p>\n

Nzigiyimana Michel uhagarariye Ibuka mu murenge wa Muganza watangirijwemo igikorwa cyo kwibuka ku rwego rw\u2019aka karere, yavuze ko aba barundi bari bahageze ari impunzi zo mu 1993 zahunze nyuma y\u2019iyicwa ry\u2019uwari perezida w\u2019u Burundi Melchiol Ndadaye, inkambi yazo ikaba yari ahari umurenge wa Muganza ubu,aho Jenoside itangiriye birara mu batutsi baratsemba,dore ko bari baranabyigishijwe n\u2019Interahamwe kabombo yitwa Youssuf Munyakazi ubu ufungiye Arusha kubera uruhare rwe muri Jenoside yakorewe Abatutsi.<\/p>\n

Avuga ko babicanye ubugome ndengakamere,nyamara ngo bahise bisubirira iwabo kugeza ubu bakaba badafatwa,cyane cyane ko hari n\u2019abo bazi ariko kubavuga ngo bafatwe bikagorana, abarokotse Jenoside bo muri iki kibaya bakaba bakomeje gusaba ko ubutabera bwakora akazi kabwo\u00a0 bakaryozwa ibyo bakoze.<\/p>\n

Yagize ati “iyo abo barundi batahaba ntabwo Jenoside iba yaragize ubukana nk\u2019ubwo yagize.\u00a0 Turifuza,nk\u2019uko twakomeje kubisaba kenshi, ko Leta y\u2019uRwanda, iy\u2019u Burundi,umuryango wa Afurika y\u2019uburasirazuba,uwa Afurika yunze ubumwe n\u2019uw\u2019abibumbye bashyira hamwe bakabakurikirana bakaryozwa ibyo badukoreye kuko dukomeje gushengurwa n\u2019agahinda gakomeye cyane ko kumva bo badafatwa ngo bahanwe.\u2019\u2019<\/p>\n

Ibi byanagarutsweho n\u2019umuyobozi w\u2019aka karere Harelimana Fr\u00e9d\u00e9ric na we wavuze ko bikwiye gukomeza gutekerezwaho,hakurikijwe ko iki ari icyaha ndengamipaka gikorerwa isi yose akaba yasabye abaturage gukomeza gutanga amakuru yose babizi ho,kugira ngo,ku bufatanye n\u2019inzego z\u2019ubuyobozi iki kibazo gikomeze gushakirwa umuti.<\/p>\n

Kuri iki kibazo,Guverineri w\u2019intara y\u2019i Burengerazuba, Munyantwali Alphonse, yabwiye abanyamakuru ko iki ari icyaha kidasaza kandi kandi ko hari bamwe mu banyamahanga bagiye bagikurikiranwaho bikozwe n\u2019urukiko mpuzamahanga mpanabyaha\u00a0 rwa Arusha,hakaba n\u2019ibihugu bike byagiye bikurikirana ababirimo,bigaterwa n\u2019ubushake bwa buri gihugu.<\/p>\n

Ubutabera bw\u2019u Rwanda bukaba buhora bushakisha ko abakoze Jenoside yakorewe abatutsi aho bari hose bakurikiranwa n\u2019aba\u00a0 hakaba hazakomeza gutangwa ibitekerezo binyuranye,byaba ibitangwa n\u2019uRwanda ubwarwo, umuryango \u00a0w\u2019afurika y\u2019uburasirazuba,uw\u2019Afurika yunze ubumwe n\u2019uw\u2019ababibumbye, nibatanoherezwa mu Rwanda nibura igihugu barimo kizabacire urubanza ariko bahanwe na Leta yabo ibigizemo uruhare,u Rwanda rukazakomeza kubisaba.<\/p>\n

Si ubwa mbere abarokokeye muri iki kibaya basaba ko abarundi babakoreye Jenoside bakurikiranwa, cyane cyane ko harimo n\u2019abo bazi,kuko no kwibuka ku nshuro ya 22 byari byabereye mu murenge wa Bugarama na bwo babisabye,Visi perezida w\u2019inteko ishinga amategeko,umutwe w\u2019abadepite,Hon. Mukama Abbas avuga ko yumva nta mpamvu yatuma badakurikiranwa,ko bagiye kubyitaho.<\/p>\n

\"\"
Guverineri w’intara y’i Burengerazuba, Alphonse Munyantwali (hagati) mu rugendo rwo kwibuka Abatutsi biciwe mu cyari komini Bugarama<\/em> <\/strong><\/figcaption><\/figure>\n
\"\"
Aha ni mu rugendo rwo kwibuka Abatutsi bazize Jenoside mu murenge wa Muganza<\/strong> <\/em><\/figcaption><\/figure>\n

\u00a0<\/p>\n

\"\"
Abaturage b’umurenge wa Muganza bifuza ko Abarundi bakoze Jenoside mu Rwanda bagezwa imbere y’ubutabera<\/em> <\/strong><\/figcaption><\/figure>\n
\"\"
Uhagarariye Ibuka mu murenge wa Muganza, Nzigiyimana Michel avuga ko agahinda Abarundi b’impunzi babateye babicira ababo bazakamarwa n’uko bazumva na bo bakurikiranwe bakabiryozwa<\/em> <\/strong><\/figcaption><\/figure>\n

Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube