{"id":9833,"date":"2018-04-09T07:43:48","date_gmt":"2018-04-09T07:43:48","guid":{"rendered":"https:\/\/new.bwiza.com\/2018\/04\/09\/nyamasheke-urubyiruko-ruri-mu-biruhuko-rurahamagarirwa-guhangana-n-ikibazo-cy\/"},"modified":"2018-04-09T07:43:48","modified_gmt":"2018-04-09T07:43:48","slug":"nyamasheke-urubyiruko-ruri-mu-biruhuko-rurahamagarirwa-guhangana-n-ikibazo-cy","status":"publish","type":"post","link":"https:\/\/bwiza.com\/?p=9833","title":{"rendered":"Nyamasheke: Urubyiruko ruri mu biruhuko rurahamagarirwa guhangana n\u2019ikibazo cy\u2019biyobyabwenge n\u2019inda z\u2019imburagihe"},"content":{"rendered":"

Ubuyobozi bw\u2019akarere ka Nyamasheke buvuga ko bwahagurukiye ikibazo cy\u2019inda z\u2019itateganijwe bamwe bita iz\u2019imburagihe n\u2019icy\u2019ibiyobyabwenge byugarije urubyiruko, ariko muri amwe mu mashuri abanza n\u2019ayisumbuye muri aka karere haracyagaragara abana b\u2019abakobwa batwara inda zitateganijwe, hakaba hakwiye ubufatanye ngo izi ngeso mbi zangiza urubyiruko zicike.<\/em> <\/strong> <\/p>\n

Ni muri urwo rwego bamwe mu ngimbi n\u2019abangavu biga mu mashuri ari mu mirenge 10,irimo 6 y\u2019akarere ka Nyamasheke n\u2019indi 4 y\u2019akarere ka Rusizi, babifashijwemo n\u2019umuryango Strive foundation Rwanda ,biyemeje guhagurukira rimwe bakarwanya ibi bibazo 2 bavuga ko ari byo byugarije urubyiruko kuruta ibindi,kuko bavuga ko igihe inda zitateganijwe n\u2019ibiyobyabwenge bizaba bitacyumvikana mu rubyiruko rw\u2019uRwanda, ruzarushaho gutera imbere no kugira imibereho irushijeho kuba myiza.<\/p>\n

Nyirarukundo Emertha ni umwangavu w\u2019imyaka 15 wiga muri GS,Saint Paul Tyazo mu karere ka Nyamasheke. Avuga ko kimwe mu bibazo bihangayikishije urubyiruko \u00a0rw\u2019abakobwa cyane cyane urwiga mu yisumbuye muri aka karere ari ibishuko\u00a0 birukururira mu mibonano mpuzabitsina idakingiye akenshi\u00a0 rushorwamo n\u2019abagabo bubatse ingo zabo \u00a0banafite abana bangana, bakarushukisha utuntu tudafashe bakarwangiriza ubuzima,ariko ko biyemeje guhangana n\u2019ibi bibazo bakoresheje amakalabu bagiye gushinga mu mashuri.<\/p>\n

Yagize ati\u2019\u2019 Nubwo ubuyobozi bw\u2019akarere kacu buduha inyigisho nyinshi mu guhangana n\u2019iki kibazo ariko hari bamwe mu bana bagitwara inda bari mu mashuri abanza n\u2019ayisumbuye kandi birababaje cyane,cyane cyane ko mu bazibatera harimo n\u2019abagabo baba bakwiye kubabyara cyangwa ari nka ba sekuru,ugasanga imibereho y\u2019umwana utewe inda ibaye mibi cyane.\u2019\u2019<\/p>\n

Yakomeje agira ati\u2019\u2019 twagize amahirwe yo kubona umuryango Strive foundation Rwanda udufasha gushinga amakalabu mu mashuri,ari yo mpamvu waduhurije hamwe muri ibi biruhuko\u00a0 turi kumwe n\u2019abarezi bacu ngo turebere hamwe uko amakalabu tuzashinga mu mashuri azahangana n\u2019iki kibazo kandi twizeye ko ziriya nyangabirama zangiza utwana zizahashywa,cyane cyane ko twizeye ko na Leta yacu idushyigikiye.\u2019\u2019<\/p>\n

Mugisha Ngirishuti\u00a0 Aristide wiga muri GS Nyabitimbo mu karere ka Rusizi na we avuga ko hari abanyeshuri b\u2019abasore usanga biroha mu ngeso mbi zirimo n\u2019ibiyobyabwenge ariko aya makalabu ko bizeye ko azafasha mu guhangana na byo,bikazagarura umubare munini w\u2019urubyiruko rwari rutangiye kwangirika.<\/p>\n

Ruzibiza L\u00e9opold ushinzwe ibikorwa by\u2019umuryango Strive foundation Rwanda ukorera mu turere tunyuranye tw\u2019igihugu,avuga ko mu turere twa Rusizi na Nyamasheke bibanda cyane ku bana bibana,na we akababazwa n\u2019uko muri abo bana hari abo usanga bashukwa bagatwara izi nda cyangwa bakajya mu biyobyabwenge,ariko ko basanze aya makalabu nashyirwa mu mashuri hari ibizakemuka.<\/p>\n

Ati\u2019\u2019 turebye nabi urubyiruko rwacu rwaducika rugatwarwa na ziriya ngeso mbi cyangwa\u00a0 ibishuko bitwangiriza abana, cyane cyane nka bariya bibana baba badafite n\u2019uwabitaho nyuma yo guhura n\u2019izo ngorane zose,ubuzima bwabo bukaba bwaba bubi cyane,ni yo mpamvu twakoranirije hano abanyeshuri 50 bo mu bigo 10 bya Rusizi na Nyamasheke n\u2019abarezi babo ngo dushyireho amakalabu mu mashuri agiye guhangana n\u2019ibi bibazo hifashishijwe amakinamico bazajya bakora bakanayakinira abandi bana n\u2019abakuru,tukizera umusaruro ukomeye uzabivamo.<\/p>\n

Akarere ka Nyamasheke mu myaka ishize kavuzwemo kuba aka mbere mu gihugu mu gutwara inda z\u2019imburagihe kw\u2019abana mu mashuri,icyakora umuyobozi wako wungirije ushinzwe imibereho myiza y\u2019abaturage,Mukamana Claudette akavuga ko hafashwe ingamba zo gunaganga n\u2019iki kibazo zikaba zaragabanutse nubwo yemeza ko zigihari.<\/p>\n

\"\"
?<\/figcaption><\/figure>\n

Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube