Kuwa gatatandatu tariki ya\u00a0\u00a07 Mata, 2018, uhereye\u00a0\u00a0uhereye muri Kenya na Tanzania, Ububiligi, Ositarariya,\u00a0\u00a0Leta Zunze Ubumwe za Amerika, Ubushinwa, ndetse n\u2019ibindi bihugu bitanduka, Abanyarwanda n\u2019inshuti z\u2019u Rwanda hirya no hino ku isi biffatanyije n\u2019abo mu gihugu imbere Kwibuka ku nshuro ya 24 abazize Jenoside yakorewe Abatutsi mu Rwanda mu 1994.<\/p>\n
Abapolisi n\u2019abasirikare b\u2019u Rwanda bari mu butumwa bw\u2019amahoro muri Repubulika ya Santarafurika (R\u00e9publique Centre Africaine) (MINUSCA) bifatanyije n\u2019abayobozi b\u2019iki gihugu ndetse n\u2019aba MINUSCA mu gikorwa cyo Kwibuka ku nshuro ya 24 Jenoside yakorewe Abatutsi.<\/p>\n
Muri icyo gikorwa cyabereye mu murwa mukuru Bangui, Perezida wa Santarafurika, Faustin-Archange Touad\u00e9ra yacanye Urumuri rw\u2019Icyizere ndetse anashyira indabo ahabugenewe mu rwego rwo Kwibuka no guha agaciro abazize Jenoside yakorewe Abatutsi.<\/p>\n
Abanyarwanda bari mu butumwa bw\u2019amahoro bukomatanyije bw\u2019umuryango wa Afurika Yunze Ubumwe n\u2019Umuryango w\u2019Abibumbye mu majyaruguru ya Darfur muri Sudani (UNAMID) kimwe n\u2019abari mu butumwa bw\u2019Umuryango w\u2019Abibumbye bwo kugarura Amahoro muri Sudani y\u2019Epfo (UNMISS) na bo bibutse ku nshuro ya 24 Jenoside yakorewe Abatutsi.<\/p>\n
Aha hose, hagiye hafatwa umunota wo Kwibuka bucece,hakorwa urugendo rwo Kwibuka ndetse n\u2019ibindi bikorwa binyuranye bijyanye no gutangira icyumweru cy\u2019icyunamo.<\/p>\n
Ku cyicaro cy\u2019ibihugu by\u2019Umuryango wa Afurika y\u2019iburasirazuba (EAC) I Arusha muri Tanzaniya, Abanyarwanda baba I Arusha n\u2019ababa I Moshi ndetse n\u2019Urwego rwasimbuye Inkiko Mpuzamahanga Mpanabyaha (Mechanism for International Tribunals) na bo bibutse Jenoside yakorewe Abatutsi.<\/p>\n
Ni igikorwa cyitabiiriwe n\u2019abayobozi ba guverinoma ya Tanzaniya, Abadepite Mu Nteko ishinga Amategeko y\u2019Umuryango wa Afurika y\u2019Iburasirazuba, abadipolomate bashamikiye kuri EAC, abihaye Imana, n\u2019abandi batandukanye.<\/p>\n
Habaye kandi ibikorwa byo Kwibuka ku nshuro ya 24 Jenoside yakorewe Abatutsi mu bice bitandukanye by\u2019Ubushinwa birimo kuri Ambasade y\u2019u Rwanda I Beijing, muri Xiamen no muri Guangzhou.<\/p>\n
Muri Brisbane,\u00a0\u00a0muri Ositaraliya,Ambasade y\u2019u Rwanda, ifatanyije n\u2019umuryango w\u2019Abanyarwanda muri ositaraliya, bagize umuhango wo Kwibuka jenoside yakorewe Abatutsi, wahuriranye n\u2019imikino ya CommonWealth y\u2019uyu mwaka irimo kubera I Gold Coast muri iki gihugu.<\/p>\n
Hafashwe umunota wo Kwibuka bucece abazize Jenoside yakorewe Abatutsi mbere y\u2019umukino wa volleyball wahuje u Rwanda na New Zeand.<\/p>\n
Umunyamabanga Uhoraho muri Minisiteri y\u2019umuco na Siporo, John Ntigengwa, yashimiye Abanyarwanda n\u2019inshuti z\u2019u Rwanda zari zihari ubufatanye n\u2019ubushake mu gukomeza Kwibuka abazize Jenoside yakorewe Abatutsi no kumenyekanisha amateka yayo hirya no hino ku isi.yasabye abari aho bose gukora ibyo bashoboye baharanira ko Jenoside itazongera kubaho ukundi ku isi.<\/p>\n
Mu bari aho harimo abayobozi ba Ositaraliya barimo Senateri Andrew Bartlett na Depite logan wo mu ishyaka Linus Power.<\/p>\n
Ni igikorwa cyaranzwe n\u2019urugendo rwo Kwibuka n\u2019ubuhamya Bukomeye bwatanzwe na\u00a0\u00a0Miles Wootten, wahoze mu itsinda ry\u2019abasirikare ba Ositiraliya bari mu butumwa bw\u2019Umuryango w\u2019Abibumbye bwo kubungabunga Amahoro mu Rwanda (MINUAR), wanaje kwikubita hasi yibutse uko ONU yakuye ingabo zayo mu Rwanda ,igihe Abanyarwanda bari bazikeneye cyane.<\/p>\n
Gusa yasangije abari aho Icyizere cy\u2019ejo hazaza heza yasubiranye iwabo ubwo yasuraga u Rwanda umwaka ushize, by\u2019umwihariiko bumwe n\u2019ubwiyunge byagezweho ndetse n\u2019iterambere ryihuta.<\/p>\n
Amb. Guillaume Kavaruganda, yashimiye abayobozi ba Ositaraliya ku bw\u2019ubufatanye bwabo, avuga ko umuhate abarokotse Jenoside bafite wo guhangana n\u2019agahinda ndetse n\u2019imibabaro bahuye nayo baharanira ejo hazaza hunze ubumwe kandi heza ari urugero rwiza ku Banyarwanda ndetse n\u2019abandi bose.<\/p>\n
Kuri Ambasade y\u2019u Rwanda muri Ankara, Turukiya, habereye umugoroba wo Kwibuka wahurije hamwe Abanyarwanda, inshuti z\u2019u Rwanda n\u2019itsinda ry\u2019abanyeshuri b\u2019 Abanyaburayi bakurikirana amasomo y\u2019igihe gito ndetse n\u2019abakurikirana amasomo y\u2019igihe kirekire\u00a0\u00a0baturuka muri Bosiniya,Seribiya,Masedoniya,Bulugariya,Esipanye,Alubaniya no mu bindi bihugu byo mu burengerazuba bw\u2019Uburayi biga ibijyanye na Jenoside muri Kaminuza zitandukanye.<\/p>\n
Ambasade y\u2019u Rwanda mu Buholandi yo yatangirije ibikorwa byo Kwibuka ku nshuro ya 24 Jenoside yakorewe Abatutsi I La Haye aho Ambasaderi Jean Pierre Karabaranga yayoboye umuhango wo Kwibuka ku nshuro ya 24 muri Hoteli Hilton.<\/p>\n
Ni igikorwa cyitabiriwe n\u2019abashyitsi bagera kuri 200 barimo Robert-Jan Siegert, Umuyobozi wungirije w\u2019ishami ry\u2019ibirebana na Afurika y\u2019Ubutayu bwa Sahara muri Minisiteri y\u2019Ububanyi n\u2019Amahanga y\u2019Ubuholandi akaba n\u2019intumwa yihariye y\u2019icyo gihugu muri Afurika y\u2019Ibiyaga Bigari, abahagarariye ibihugu byabo ndetse n\u2019imiryango mpuzamahanga ,inshuti z\u2019u Rwanda, Abanyarwanda baba mu Buholandi ndetse n\u2019abandi.<\/p>\n
Aba bose bitabiriye urugendo rwo Kwibuka rwabanjirije ibikorwa nyirizina byo Kwibuka.<\/p>\n
Ibikorwa byo Kwibuka nyirizina I La Haye, byabimburiwe n\u2019umunota wo Kwibuka bucece abazize Jenoside yakorewe Abatutsi, waje gukurikirwa n\u2019ubuhamya bwatanzwe na Gakire Dieudonn\u00e9 , warokotse Jenoside.<\/p>\n
Amb. Karabaranga\u00a0\u00a0yavuze ko\u00a0\u00a0\u201cturi hano kugira ngo twibutse ko guha ubutabera abazize Jenoside ari intwaro ihoraho yo kurwanya jenoside, kuvuga \u2018ntibizongere ukundi nyayo\u2019 ndetse bukaba n\u2019ingenzi mu komora abarokotse.<\/p>\n
\u201ciki ni Igihe cyo gusangira amateka yacu. Ni umwanya wo gutekereza ku cyatumye Jenoside iba, Igihe cyo kugerageza kwiyumvisha uko ibyo umuntu atabasha kwiyumvisha byabaye ndetse no guhangana n\u2019ahahise hacu\u201d.<\/p>\n
Yanashishikarije kandi Ubuholandi ,nk\u2019uko busanzwe bubigenza mu kurwanya Jenoside binyuze mu butabera,gutangira gutekereza ku bijyanye no guhana ihakana rya Jenoside yakorewe Abatutsi ku Butaka bwacyo, nk\u2019uko birimo gukorwa mu Bubiligi, aho umushinga w\u2019itegeko uteganya ihana iryo ari ryo ryose rya Jenoside.<\/p>\n
Yashimiye Ubuholandi kuba buri\u00a0\u00a0mu bihugu bike byashoboye kugeza imbere y\u2019ubutabera, kuburanisha no kohereza mu Rwanda ba ruharwa bashakishwa.<\/p>\n
Yagize ati \u201cmu myaka yashize abakoze Jenoside babiri baciriwe imanza hano mu Buholandi, naho abandi babiri boherejwe mu Rwanda kuburanira aho bakoreye ibyaha. Ibi ni ibikorwa bifatika bikwiriye gukorwa na buri wese niba dushako mu by\u2019ukuri kurwanya Jenoside\u201d.<\/p>\n
Muri Uganda na Kenya naho bibutse\u00a0<\/b><\/b><\/p>\n
I Nairobi, amagana y\u2019Abanyarwanda bakoze urugendo rw\u2019amahoro rwatangiriye mu gace k\u2019ubucuruzi ka Uhuru Park rugera mu Karere k\u2019Ubucuruzi bwo hagati (Central Business District) bitwaje ibyapa\u00a0\u00a0biriho ubutumwa bwo Kwibuka no guha agaciro abazize Jenoside yakorewe Abatutsi,gufasha abarokotse no kurwanya ihakana rya Jenoside.<\/p>\n
Mu ijambo yagejeje ku bitabiriye urugendo, Ambasaderi James Kimonyo yashimiye by\u2019umwihariko abitabiriye igikorwa.<\/p>\n
Yagize ati \u201ctwateguye urugendo rw\u2019amahoro mu rwego rwo kunamira abazize Jenoside yakorewe Abatutsi no kwamagana ibikorwa bya Jenoside mu Rwandandetse n\u2019ahandi hose ku isi\u201d.<\/p>\n
Yibukije abitabiriye urwo rugendo ko igikorwa nyirizina cyo Kwibuka kizabera ku biro bya ONU I Gigiri kuwa kabiri, tariki 10 Mata abayobozi ba Kenya ndetse n\u2019uhagarariye Umunyamabanga Mukuru wa ONU bazifatanya na bo.<\/p>\n
Amb Kimonyo yasobanuriye abari bateraniye kuri Uhuru Park ko intego yo Kwibuka ari ugushishikariza uno kwigisha abakiri bato kugira ngo ibyabaye bitazongera kubaho ukundi.<\/p>\n
\u00a0<\/p>\n
Src:CNLG<\/p>\n
\u00a0<\/p>\n