{"id":9838,"date":"2018-04-09T10:32:58","date_gmt":"2018-04-09T10:32:58","guid":{"rendered":"https:\/\/new.bwiza.com\/2018\/04\/09\/kigali-umuyobozi-aragereranya-abirirwa-basabiriza-n-umwanda\/"},"modified":"2025-02-12T14:29:58","modified_gmt":"2025-02-12T12:29:58","slug":"kigali-umuyobozi-aragereranya-abirirwa-basabiriza-n-umwanda","status":"publish","type":"post","link":"https:\/\/bwiza.com\/?p=9838","title":{"rendered":"Kigali: Umuyobozi aragereranya abirirwa basabiriza n\u2019umwanda"},"content":{"rendered":"

Ubuyobozi bw\u2019Umujyi wa Kigali, inzego z\u2019umutekano ndetse n\u2019inzego zihagarariye abamugaye, biyemeje guca burundu ibikorwa byo gusabiriza mu Mujyi wa Kigali, bikorwa n\u2019abamugaye. Mu bukangurambaga bwabaye, bagereranijwe n\u2019umwanda, bibatera agahunda mu gihe bavuga ko babiterwa no kubura amikoro.<\/em> <\/strong> <\/p>\n

Ubu busabirizi bukorwa mu Mujyi wa Kigali bukorwa n\u2019abantu batandukanye biganjemo abafite ubumuga, ngo bugiye gucibwa mu rwego rwo guha umujyi isura nziza, nk\u2019indorerwamo y\u2019u Rwanda.<\/p>\n

Umuyobozi wungirije ushinzwe imibereho myiza,\u00a0Muhongayire Patricia, atangaza ko Umujyi wa Kigali ariryo rembo ry\u2019igihugu, ko isi yose ariho iza ireba, bityo ngo ubusabirizi burwambika isura mbi.<\/p>\n

Ati \u201cDushingiye ku murongo ngenderwaho w\u2019igihugu cyacu, n\u2019umujyi wa Kigali muri rusange, by\u2019umwihariko kandi ari nawo rembo ry\u2019igihugu by\u2019umwihariko, isi yose iza ireba Kigali, ikareba u Rwanda muri rusange, dufite iyerekwa nk\u2019umujyi ryo kuvuga ngo tuzabungabunga isuku, tuzabungabunga umutekano, kandi tuzashishikariza abantu gutanga serivisi nziza kandi inoze\u201d.<\/p>\n

Yibukije abamugaye n’abandi basabiriza, ko bihabanye n\u2019indangagaciro na kirazira by\u2019umuco nyarwanda,\u00a0 agira ati \u201cumupolisi uri mu kazi, urimo kuyobora imodoka nawe yarabigenewe, afite umwambaro wabyo, agomba kuba ari ku muhanda, ariko wowe iyo ugiye ukicara ku muhanda uba ufite ubuhe burenganzira? Uba ufite izihe nshingano?, uhinduka umwanda, ababibona babona ko umwanda wateye, ntabwo umuntu yagombye kuba ari ahangaha, ariko arahari? Kuki ahari? Mumbabarire kuba nkoresheje iyi mvugo\u201d.<\/p>\n

Abamugaye basabiriza bababajwe n\u2019iyi mvugo y\u2019umuyobozi ubagereranya n\u2019umwanda, bavuga ko bitari bikwiye ko bagereranwa na wo. Nk\u2019uko babitangarije umunyamakuru w\u2019ijwi rya Amerika.<\/p>\n

Umwe muri bo yagize ati \u201cibaze nawe kuba uri umuntu n’ubwo tubana n\u2019ubumuga ariko batwise umwanda, iryo jambo ntabwo ariryo, ngo duteza umwanda ariko twe ntabwo duteza umwanda, badufashe tuve mu muhanda, na twe turashaka kuva mu muhanda, ntabwo tubyishimiye natwe\u201d.<\/p>\n

Undi na we ati \u201c Ariko ijambo umwanda! Umwanda ubundi ni umwanda bafata bagashyira muri puberi, ntabwo rero umuntu yaba ari umwanda\u201d.<\/p>\n

Ku ruhande rwabo n’ubwo bababajwe no kwitwa umwanda, bavuga ko bifuza kuva mu mujyi mu busabiriza ariko imbogamizi ikababera amikoro.<\/p>\n

Agira ati \u201cnatwe twifuza kuva mu mujyi pe, ariko ikibazo, uravamo se ako kanya, keretse bahise badupangira icyo tuzakora, ubwo se wahita uvamo gute?.<\/p>\n

Madamu Muhongayire avuga ko kubera imbaraga iki gikorwa bagishyizemo, bazitabaza inzego z\u2019umutekano mu kugikemura, ubusabirizi bugacika burundu.<\/p>\n

Aho yavuze ati \u201cIkindi tugiye gukorana n\u2019inzego z\u2019umutekano, zadufashaga ariko noneho zigiye kudufasha, inzego z\u2019umutekano zizakora iki? zigiye guhana,\u2026\u201d.<\/p>\n

Inzego z\u2019umutekano nazo zivuga ko zigiye kutajenjekera iki kibazo, SP Emmanuel Hitayezu umuvugizi wa Polisi mu Mujyi wa Kigali, avuga ko icyaha cyo gusabiriza gihanwa n\u2019amategeko, bityo ngo kwitabazwa mu guca ubusabirizi nka polisi batazazuyaza.<\/p>\n

Agira ati \u201cmu minsi iri imbere, aho batwitabaza gukura abo bantu mu mihanda, tuzaba aba mbere mu bufasha ariko ntabwo byaba byiza tubafashe tubajyana muri gereza, byakabaye byiza ahubwo tubafashe tuvuga duti hari aho berekezwa\u201d.<\/p>\n

Umwaka ushize nibwo Umujyi wa Kigali washyizeho imbaraga z\u2019umurengera mu guca abazunguzayi, hifashishwa inzego za polisi, DASSO,Abanyerondo,\u2026 ubu bakaba baragabanyutse ugereranyije na mbere, ikibazo cy\u2019abasabiriza nacyo kikaba kigiye guhagurukirwa mu gihe kigaragara nk’ikibangamye hirya no hino mu gihugu no mu Mujyi wa Kigali by’umwihariko.<\/p>\n

\"\"
Uwamugaye usabiriza IFOTO\/Internet<\/em><\/figcaption><\/figure>\n

Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube