{"id":9853,"date":"2018-04-11T08:17:10","date_gmt":"2018-04-11T08:17:10","guid":{"rendered":"https:\/\/new.bwiza.com\/2018\/04\/11\/abakozi-ba-minicom-na-minaffet-basobanuriwe-umwihariko-wa-jenoside-n-aho\/"},"modified":"2025-02-12T14:26:35","modified_gmt":"2025-02-12T12:26:35","slug":"abakozi-ba-minicom-na-minaffet-basobanuriwe-umwihariko-wa-jenoside-n-aho","status":"publish","type":"post","link":"https:\/\/bwiza.com\/?p=9853","title":{"rendered":"Abakozi ba MINICOM na MINAFFET basobanuriwe umwihariko wa jenoside n\u2019aho itandukaniye n\u2019ubundi bwicanyi"},"content":{"rendered":"

Kuwa kabiri tariki ya 10 Mata 2018, Umunyamabanga Nshingwabikorwa wa Komisiyo y\u2019Igihugu yo Kurwanya Jenoside (CNLG) Dr Bizimana Jean-Damasc\u00e8ne yahaye abakozi ba Minisiteri y\u2019Ubucuruzi n\u2019Inganda (MINICOM) hamwe n\u2019aba Minisiteri y\u2019Ububany n\u2019Amahanga (MINAFFET) ikganiro aho yabasobanuriye umwihariko wa jenoside n\u2019aho itandukanira n\u2019ubundi bwicanyi.<\/p>\n

Ni mu rwego rwo kwibuka ku nshuro ya 24 Jenoside yakorewe Abatutsi, aho mu cyumweru cy\u2019icyunamo cyatangiye ku itariki ya 7 Mata hibukwa Jenoside yakorewe Abatutsi, abakozi mu bigo bakoreramo bahabwa ibiganiro bigamije kubafasha kwibuka.<\/p>\n

Dr Bizimana yabasobanuriye icyo jenoside ari cyo nk\u2019uko isobanurwa ku rwego mpuzamahanga\u00a0\u00a0hashingiwe ku masezerano y\u2019Umuryango w\u2019Abibumbye yo ku itariki ya 9\/12\/1948, aho mu ngingo yayo ya kabiri aya masezerano avuga ko \u00ab\u00a0Jenoside ni kimwe muri ibi bikorwa bikurikira bikoranwe umugambi wo kurimbura bose cyangwa igice cy\u2019abantu bahuriye ku bwenegihugu, ubwoko, ibara ry\u2019uruhu rwabo cyangwa se idini\u00a0\u00bb.<\/p>\n

\"\"
Dr Jean Damascene Bizimana, Umunyamabanga Mukuru wa CNLG<\/figcaption><\/figure>\n

Yabasobanuriye ibiranga jenoside birimo kwica abantu b\u2019itsinda rimwe, gukomeretsa bikabije imibiri cyangwa ibitekerezo by\u2019abagize itsinda rimwe, gushyira abantu b\u2019itsinda rimwe mu buzima bubi ubigendereye ugamije ko barimbuka bose cyangwa igice, gushyiraho uburyo bubuza iryo tsinda kubyara , no kwambura iri tsinda abana babo bagahabwa irindi ridafite aho bahuriye.<\/p>\n

Yanabasobanuriye kandi\u00a0\u00a0intambwe 10 zigize jenoside anagenda azihuza na Jenoside yakorewe Abatutsi yifashishije ingero zifatika mu rwego rwo kugira ngo barusheho gusobanukirwa neza, ndetse anabereka aho jenoside itandukanira n\u2019ibyaha by\u2019intambara n\u2019ibyaha byibasiye inyoko muntu.<\/p>\n

\"\"<\/p>\n

Mu gusoza ikiganiro cye, Dr Bizimana yavuze ko ari ngombwa kwita ku muryango kugira ngo ube ishingiro ryo kurwanya ingengabitekerezo ya jenoside no gukomeza kwigisha gahnunda ya Ndi umunyarwanda. Yanavuze ko ari ngombwa kandi gukomeza gukoresha uburyo bwose cyane cyane imbuga nkoranyambaga mu kurwanya abakwirakwiza ingengabitekerezo ya jenoside no kumenyekanisha amateka nyayo y\u2019u Rwanda.<\/p>\n

Minisitiri w\u2019Ubucuruzi n\u2019Inganda , Munyeshyaka Vincent yavuze ko nubwo ingengabitekerezo ya jenoside igenda igabanuka buri wese akwiriye kugira uruhare mu kuyirwanya no kubera abandi urugero, gukomeza kwigisha urubyiruko no gutoza indangagaciro\u00a0\u00a0abadukomokaho.<\/p>\n

\u00a0<\/p>\n

Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube