{"id":9863,"date":"2018-04-11T13:35:50","date_gmt":"2018-04-11T13:35:50","guid":{"rendered":"https:\/\/new.bwiza.com\/2018\/04\/11\/centrafrica-umusirikare-w-umunyarwanda-yishwe-abandi-8-barakomereka\/"},"modified":"2025-02-12T14:26:26","modified_gmt":"2025-02-12T12:26:26","slug":"centrafrica-umusirikare-w-umunyarwanda-yishwe-abandi-8-barakomereka","status":"publish","type":"post","link":"https:\/\/bwiza.com\/?p=9863","title":{"rendered":"Centrafrica: Umusirikare w\u2019Umunyarwanda yishwe abandi 8 barakomereka"},"content":{"rendered":"

Umusirikare w\u2019u Rwanda mu bari mu butumwa bw\u2019Umuryango w\u2019Abibumbye bwo kubungabunga amahoro muri Centrafrica kuri uyu wa Kabiri, itariki 10 Mata, yiciwe mu mirwano yabahuje n\u2019abantu bitwaje Ibirwanisho.<\/p>\n

Ibi bikaba byrabaye bikurikira igikorwa gihuriweho cyatangijwe ku Cyumweru, itariki 08 Mata ku bufatanye bw\u2019ingabo z\u2019Umuryango w\u2019Abibumbye n\u2019inzego z\u2019umutekano za Centrafrica (igisirikare n\u2019igipolisi).<\/p>\n

Iki gikorwa kikaba kigamije kwambura ibirwanisho no guta muri yombi udutsiko tw\u2019abanyabyaha bitwaje intwaro twari twafunze bimwe mu bice by\u2019umurwa mukuru, Bangui nk\u2019uko itangazo ry\u2019Umuryango w\u2019Abibumbye ryashyizwe ahagaragara rivuga.<\/p>\n

Umuvugizi w\u2019ingabo z\u2019u Rwanda, Lt Col. Innocent Munyengango, yemeje aya makuru avuga ko umusirikare w\u2019u Rwanda waguye muri iki gikorwa yari afite ipeti rya sergeant nubwo nta byinshi yatangaje kuko nta burenganzira bw’umuryango we yari yabona.<\/p>\n

Lt Col Munyengago yavuze ko abasirikare b\u2019u Rwanda babungabunga amahoro bari boherejwe gutabara abasivili bari batewe n\u2019abantu bitwaje intwaro mu gace kitwa BK5, mu nkengero za Bangui. Ati: \u201cIngabo zacu zabashije guhagarika imirwano zitabara abaturage ariko kubw\u2019ibyago umwe mu basirikare bacu ahasiga ubuzima abandi 8 barakomereka.\u201d<\/p>\n

Yongeyeho ko abasirikare bakomeretse barimo koroherwa.<\/p>\n

Umunyamabanga Mukuru w\u2019Umuryango w\u2019Abibumbye yihanganishije umuryango wa nyakwigendera ndetse na guverinoma y\u2019u Rwanda anifuriza abakomeretse gukira vuba.<\/p>\n

Umunyamabanga mukuru wa LONI kandi yamaganye ibi bikorwa byibasira ingabo z\u2019Umuryango w\u2019Abibumbye bikwiye gufatwa nk’ibyaha by’intambara, asaba guverinoma ya Centrafrica gukora iperereza no kugeza abagize uruhare muri iki gikorwa imbere y\u2019ubutabera.<\/p>\n

U Rwanda rukaba rufite abashinzwe kubungabunga amahoro muri Centrafrica 986 bagizwe na batayo y\u2019ingabo zirwanira ku butaka, kompanyi ikoresha ibimodoka by\u2019imitamenwa ndetse n\u2019ibitaro bya gisirikare\u00a0 byo ku rwego rwa kabiri.<\/p>\n

\u00a0<\/p>\n

Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube