{"id":9875,"date":"2018-04-12T12:14:39","date_gmt":"2018-04-12T12:14:39","guid":{"rendered":"https:\/\/new.bwiza.com\/2018\/04\/12\/intumwa-idasanzwe-y-umunyamabanga-mukuru-wa-loni-irashinja-ibihugu-byo-mu\/"},"modified":"2025-02-12T14:26:15","modified_gmt":"2025-02-12T12:26:15","slug":"intumwa-idasanzwe-y-umunyamabanga-mukuru-wa-loni-irashinja-ibihugu-byo-mu","status":"publish","type":"post","link":"https:\/\/bwiza.com\/?p=9875","title":{"rendered":"Intumwa idasanzwe y\u2019Umunyamabanga mukuru wa Loni irashinja ibihugu byo mu karere gusuzugurana"},"content":{"rendered":"

Intumwa idasanzwe y\u2019Umunyamabanga Mukuru w\u2019Umuryango w\u2019Abibumbye mu karere k\u2019Ibiyaga Bigari, Sa\u00e0\u00afd Djinnit, kuri uyu wa kabiri ushize, itariki 10 Mata 2018 yatangarije imbere y\u2019akanama k\u2019amahoro n\u2019umutekano ko hakenewe gufatwa ingamba zo guhagarika gusuzugurana ngo gukomeje kugaragara hagati y\u2019ibihugu byo mu karere; U Burundi, u Rwanda, Uganda na Repubulika iharanira Demokarasi ya Congo mu rwego rwo kugirango akarere kagere ku mahoro arambye.<\/p>\n

Sa\u00e0\u00afd Djinnit yavuze ko ubwo aheruka kugirana ibiganiro, kuwa 29 Werurwe, na perezida wa Congo, Denis Sassou Nguesso, ari nawe uyoboye Inama Mpuzamahanga ku karere k\u2019Ibiyaga Bigari (CIRGL), baganiriye ku kuntu byashoboka kongera kuzana imibanire myiza hagati y\u2019ibi bihugu binyuze mu biro by\u2019abo bayobozi bo mu karere.<\/p>\n

Iyi ntumwa kandi yagaragaje ko mu gihe hari gushakwa uko ingabo z\u2019umuryango w\u2019Abibumbye zakongererwa ubushobozi, hagomba no kurebwa aho inkunga ifasha imitwe yitwaje ibirwanisho iva harwanywa ubucukuzi n\u2019ubucuruzi bitemewe by\u2019umutungo kamere.<\/p>\n

Kurwanya imitwe yitwara gisirikare<\/strong> <\/p>\n

Djinnit yakomoje ku mitwe yitwaje ibirwanisho ikorera muburasirazuba bwa Congo irimo ADF ikomeje kugaba ibitero no gutera ubwoba abaturage igateza akababaro no kuvanwa mu byabo ndetse no kuba ibihugu byo mu karere bitizerana nk\u2019uko Radio Okapi dukesha iyi nkuru ivuga.<\/p>\n

Umutwe wa FDLR ngo uracyakora kandi ngo uracyagenzura abawuhozemo barambitse hasi ibirwanisho n\u2019imiryango yabo baba mu nkambi y\u2019agateganyo bivugwa ko kuhaba kwabo biteza umwuka mubi hagati yabo n\u2019abaturage baturanye. Ikibazo cy\u2019abahoze muri M23 bari mu Rwanda no muri Uganda nacyo ngo kiracyari icyo kwigwaho nk\u2019uko Djinnit yabitangaje.<\/p>\n

Ku kijyanye no gushyigikira ibiganiro by\u2019amahoro n\u2019inzira y\u2019amatora, intumwa idasanzwe y\u2019umunyamabanga mukuru wa Loni avuga ko hakwiye kwibandwa kuri Repubulika iharanira Demokarasi ya Congo n\u2019u Burundi.<\/p>\n

Muri Congo, yavuze ko nubwo hari ibimaze gukorwa mu myiteguro y\u2019amatora, hakomeje kugaragara umwuka uteri mwiza hagati ya leta n\u2019abatavuga rumwe nayo ku bigenderwaho mu gutegura amatora. Yashimangiye ko hakenewe ubufatanye bw\u2019akarere n\u2019amahanga mu gutuma amasezerano y\u2019amahoro yo kuwa 31 Ukuboza 2016 ashyirwa mu bikorwa ku kijyanye n\u2019amatora yizewe kandi mu mahoro.<\/p>\n

\u00a0<\/p>\n

Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube