{"id":9884,"date":"2018-04-14T08:21:20","date_gmt":"2018-04-14T08:21:20","guid":{"rendered":"https:\/\/new.bwiza.com\/2018\/04\/14\/nta-washobora-kutugamburuza-ku-byiza-twifuza-hon-makuza\/"},"modified":"2025-02-12T14:26:08","modified_gmt":"2025-02-12T12:26:08","slug":"nta-washobora-kutugamburuza-ku-byiza-twifuza-hon-makuza","status":"publish","type":"post","link":"https:\/\/bwiza.com\/?p=9884","title":{"rendered":"Nta washobora kutugamburuza ku byiza twifuza- Hon. Makuza"},"content":{"rendered":"

Perezida wa Sena, Hon.Sen.Makuza Bernard avuga ko Abanyarwanda bakomeje umurongo mwiza wo kunga ubumwe n\u2019agaciro kabo muri rusange, bakesha ubuyobozi bwiza butandukanye n\u2019ubwateguye bukanashyira mu bikorwa umugambi wa jenoside yakorewe Abatutsi mu 1994.<\/em> <\/strong> <\/p>\n

Ubwo yitabiraga umuhango wo gusoza icyumweru cy\u2019icyunamo ku rwego rw’igihugu, wabereye ku i Rebero mu karere ka Kicukiro mu Mujyi wa Kigali, \u00a0ku wa 13 Mata 2018, Perezida wa Sena wari umushyitsi mukuru muri uyu muhango, yatangaje ko Abanyarwanda ubu bafite ubuyobozi bwiza, bushyize imbere ubumwe ndetse ko nta wabasha kubusubiza inyuma.<\/p>\n

Agira ati \u201cisomo dukura mu byo tumaze kugeraho muri iyi myaka 24 ishize jenoside yakorewe Abatutsi ihagaritswe, ni igihamya ndetse n\u2019icyizere byo kubaka u Rwanda twifuza, kandi buri wese abifitemo uruhare, umusaruro wo gushyira hamwe n\u2019iterambere ridaheza birigaragaza rwose hirya no hino mu gihugu kandi ni urugero rwiza, nta gushidikanya ko dukomeye ku mahame n\u2019amahitamo yacu y\u2019Abanyarwanda dushingiye no ku kinyuranyo dufite cy\u2019Ubuyobozi\u00a0 ntawe ushobora kudutsimbura, nta watugamburuza ku byiza twifuza, nta we ushobora kuduhigika ngo adusubize inyuma kandi nta shiti bizadushoboza\u201d.<\/p>\n

Arakomeza avuga ko Abanyarwanda bari mu murongo mwiza wa politiki wo kwishakamo ibisubizo, bahereye ku murage mubi bahawe n\u2019Abanyapolitiki babi, ku bibazo byaba biriho ndetse n\u2019ibishobora kuvuka.<\/p>\n

Akaba asaba kandi Abanyarwanda gukomeza gukomera ku bumwe, banibuka inzirakarengane zisaga miliyoni zishwe muri jenoside yakorewe Abatutsi.<\/p>\n

Ati \u201cDukomeze dukomere ku bumwe bwacu rero, tugaragarize icyubahiro abacu tubibuka [turabibuka kandi turabunamiye] mu kuri gushingiye ku mateka adashidikanywaho ndetse no ku byo tumaze kugeraho tureba iki cyerekezeko cy\u2019ubuyobozi twifuza tunareba ko jenoside itazongera kubaho ukundi \u201c.<\/p>\n

Muri uyu muhango kandi, Hon. Makuza yasabye abari aho n\u2019abandi Banyarwanda bose muri rusange, gukomeza kwitabira gahunda zijyanye no kwibuka mu gihe cy\u2019iminsi 100, birinda icyatuma bagwa mu bikorwa\u00a0 by\u2019ipfobya, ihanakana n\u2019ingengabitekerezo ya jenoside.<\/p>\n

Urwibutso rwa jenoside rwa Rebero rushyinguyemo imibiri y\u2019abasaga ibihumbi 14 barimo abanyapolitiki bishwe mu gihe cya jenoside n\u2019ibihumbi by\u2019Abatutsi bishwe mu bice bitandukanye by\u2019Umujyi wa Kigali.<\/p>\n

Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube