Igihugu cya Uganda cyemeranyije na Israel kwakira byibuze abimukira 500, mu bakabaka 38,000 bari baturutse muri Eritrea na Sudani, nk\u2019uko minisitiri ushinzwe impunzi mu nshingano ze, Musa Ecweru yabitangarije itangazamakuru.<\/p>\n
Minisitiri Ecweru yavuze ko abimukira 500 nabo bemeye kwimurirwa muri Uganda nk\u2019uko tubikesha BBC, yongeyeho ko izi mpunzi ari zo ubwazo zisabiye kujya muri Uganda bitandukanye n\u2019ibyari bimaze iminsi bitangazwa.<\/p>\n
Abimukira bari bamaze kubona ibyangombwa byo kwitwa impunzi muri Israel ngo nibo bazakirwa, aho biteganyijwe ko nibamara kugera muri Uganda nabwo hazasuzumwa niba bakwiye guhabwa ubuhungiro ababishaka bakazajya kuba mu nkambi cyangwa mu mijyi.<\/p>\n
Igihugu cya Uganda cyakunze gushimwa n\u2019Umuryango Mpuzamahanga nk\u2019igihugu gifungurira imiryango yacyo impunzi, aho kuri ubu gicumbikiye impunzi miliyoni 1,4 ziganjemo izavuye mu bihugu by\u2019ibituranyi.<\/p>\n
U Rwanda ni kimwe mu bihugu byari byavuzweho kwemera kwakira aba bimukira b\u2019Abanyafurika badashakwa muri Israel ariko rukomeza kubihakana ruvuga ko rudashobora kwakira abimukira bazirukanwa ku ngufu bitari mu bushake bwabo.<\/p>\n
\u00a0<\/p>\n