{"id":9895,"date":"2018-04-14T14:12:31","date_gmt":"2018-04-14T14:12:31","guid":{"rendered":"https:\/\/new.bwiza.com\/2018\/04\/14\/nyamasheke-abatuye-mu-cyahoze-ari-komini-rwamatamu-babibona-nk-ibitangaza-kuba\/"},"modified":"2025-02-05T14:21:06","modified_gmt":"2025-02-05T12:21:06","slug":"nyamasheke-abatuye-mu-cyahoze-ari-komini-rwamatamu-babibona-nk-ibitangaza-kuba","status":"publish","type":"post","link":"https:\/\/bwiza.com\/?p=9895","title":{"rendered":"Nyamasheke: Abatuye mu cyahoze ari komini Rwamatamu babibona nk\u2019ibitangaza kuba barya bagahaga"},"content":{"rendered":"

Abaturage b\u2019imirenge ya Mahembe, Gihombo na Kirimbi mu cyahoze ari komini Rwamatamu ya Perefegitura ya Kibuye, ubu akaba ari mu karere ka Nyamasheke, bavuga ko babona ari nk\u2019ibitangaza kuri bo kuba noneho barya bagahaga, mu gihe mbere ya Jenoside yakorewe Abatutsi no mu myaka mike nyuma yayo, bamwe baricwaga n\u2019inzara bikabasaba gusuhuka.<\/em> <\/strong> <\/p>\n

Mu kiganiro na Bwiza.com, bamwe muri bo bavuze ko kuba inzara yari yarabaye akarande muri iyi mirenge itatu, \u00a0byaraterwaga na politiki y\u2019ubuhinzi itari inoze.<\/p>\n

Bashimira cyane Perezida Kagame washyizeho politiki nziza y\u2019ubuhinzi yabakuye kure, bakanigishwa gusoma, kwandika no kubara ku buryo n\u2019abatarahise bibumbira mu makoperative y\u2019ubuhinzi bakora ibindi bibabyarira inyungu kubera kuva mu bujiji.<\/p>\n

Umwe muri aba baturage, Ndengeyinka \u00a0Augustin, \u00a0agira ati \u201ctwigishijwe guhinga byinshi ku buso buto, tubumbirwa mu makoperative, twigishwa guhinga kijyambere, tumaze kurwanya ubujiji, ubu turahinga imboga n\u2019imbuto mu buryo bushimishije\u201d.<\/p>\n

Arakomeza avuga ko ubu basarura ishu ry\u2019ibilo 4 mbere barezaga apima inusu, inanasi y\u2019ibilo hagati ya 3 na 4 mbere nta n\u2019ikilo cyageragamo, umwumbati upima hagati y\u2019ibilo 6 na 7 mbere bitarabagaho, igitoki gipima ibilo 180 bitarabagaho.<\/p>\n

Akagira ati \u201ctukaba tubikesha Leta nziza itwitayeho ituzanira abafatanyabikorwa batwigisha kwiteza imbere\u201d.<\/p>\n

Nyirandatira Francine, ushinzwe uburezi mu mushinga\u00a0 \u2018Imbarutso y\u2019iterambere\u2019 mu turere\u00a0 twa Nyamasheke \u00a0na Karongi, avuga ko n\u2019ubwo ucyuye igihe, ngo \u00a0ibyo usigiye abaturage mu myaka 9 uhamaze ari indashyikirwa.<\/p>\n

Ati\u2019\u2019 tubasize mu biganza byiza kuko\u00a0 bashobora gusagurira amasoko mbere inzara yari yarahashinze ibirindiro, abakuwe mu bujiji\u00a0 bariteza imbere bifatika, tugasaba ubuyobozi kubaba hafi kugira ngo ibyagezweho bidasubira inyuma, bigishe na bagenzi babo gukoresha neza ifumbire y\u2019imborera n\u2019imvaruganda nk\u2019uko babyigishijwe\u201d.<\/p>\n

Kuba hari abandi bagenzi babo batuye muri iyi mirenge bataragera ku rwego rushimishije rwo kwihaza, umuyobozi w\u2019akarere ka Nyamasheke wungirije ushinzwe imibereho myiza y\u2019abaturage, Mukamana Claudette avuga ko ari indi ntambwe igiterwa ngo nabo babashe guhaza imiryango yabo.<\/p>\n

Claudette \u00a0avuga ko bagiye kwibanda ku kuhongera ingufu mu buhinzi, inzara yakunze kwibasira aka gace ngo izasigare ari amateka, cyane cyane ko n\u2019isoko barifite, barikesha umuhanda wa kaburimbo bahawe na Perezida Kagame.<\/p>\n

\"\"
Umusaruro nk’uyu, mbere ngo muri aka gace byasaga n’ibidashoboka kubera ingamba z’ubuhinzi zitari zinoze<\/figcaption><\/figure>\n

\"\"<\/p>\n

Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube