Umunyamabanga mukuru wa Loni, Ant\u00e0\u00b3nio Guterres , yagennye Lt. Gen. Elias Rodrigues Martins Filho ku mwanya w\u2019umugaba mukuru mushya w\u2019ingabo za Monusco zishinzwe kubungabunga amahoro muri Repubulika iharanira Demokarasi ya Congo, aho asimbuye Lt Gen. Derrick Mbuyiselo Mgwebi ukomoka muri Afurika y\u2019Epfo wasoje manda ye kuwa 31 Mutarama.<\/p>\n
Lt Gen. Martins Filho, amaze imyaka isaga 35 mu gisirikare cya Brazil, aho yari umukuru w\u2019ibiro bishinzwe imiryango mpuzamahanga muri minisiteri y\u2019ingabo ya Brazil kuva mu 2017.<\/p>\n
Mbere yaho yari umukuru w\u2019iperereza mu ishuri ry\u2019intambara no muri etat major hagati ya 2015 na 2016, ndetse akaba yarabanje kuba umuyobozi w\u2019ibikorwa ku mupaka wo mu burengerazuba wa Brazil hagati ya 2013 na 2015. Yanayoboye kandi batayo yari ishinzwe kurinda umukuru w\u2019igihugu hagati ya 2009 na 2011.<\/p>\n
Lt. Gen. Martins Filho kandi ngo afite ubunararibonye mu bikorwa byo kubungabunga amahoro kuko ari we wateguye ishami rya gisirikare rishinzwe ibikorwa byo kubungabunga amahoro kuva mu 2005 kugeza mu 2008.<\/p>\n
Yabaye kandi umujyanama mu bya gisirikare wungirije mu Muryango w\u2019Abibumbye ndetse aba n\u2019umwe mu bari mu butumwa bwo kugenzura bwa 3 bw\u2019Umuryango w\u2019Abibumbye muri Angola kuva mu 1995 kugeza mu 1996.<\/p>\n
Lt. Gen. Martins Filho wavutse mu 1960, akaba afite umugore n\u2019abana batatu nk\u2019uko iyi nkuru dukesha Radio Okapi ivuga, afite impamyabumenyi y\u2019amashuri makuru mu mibanire mpuzamahanga yakuye muri Kaminuza ya Brazilia ndetse akagira indi yakuye mu ishuri rya gisirikare ryitwa Escola Superior de Guerra.<\/p>\n
\u00a0<\/p>\n