{"id":9908,"date":"2018-04-16T10:08:19","date_gmt":"2018-04-16T10:08:19","guid":{"rendered":"https:\/\/new.bwiza.com\/2018\/04\/16\/u-rwanda-na-uganda-biri-kuganira-uko-abagize-uruhare-muri-jenoside-bagarurwa\/"},"modified":"2025-02-12T14:25:52","modified_gmt":"2025-02-12T12:25:52","slug":"u-rwanda-na-uganda-biri-kuganira-uko-abagize-uruhare-muri-jenoside-bagarurwa","status":"publish","type":"post","link":"https:\/\/bwiza.com\/?p=9908","title":{"rendered":"U Rwanda na Uganda biri kuganira uko abagize uruhare muri jenoside bagarurwa"},"content":{"rendered":"

Guverinoma y\u2019u Rwanda n\u2019iya Uganda ziri mu biganiro bigamije gucyura abantu bose bakekwaho uruhare muri Jenoside yakorewe Abatutsi ngo baburanishwe.<\/p>\n

Ibi bikaba byatangajwe kuri uyu wa gatandatu ushize na Ambasaderi w\u2019u Rwanda I Kampala, Maj. Gen. Frank Mugambage, mu gikorwa cyo kwibuka ku nshuro ya 24 Jenoside yakorewe Abatutsi cyaberaga muri Kaminuza Mpuzamahanga ya Kampala muri campus yayo yo mu Karere ka Bushenyi.<\/p>\n

Ambasaderi Mugambage yavuze ko kuri ubu guverinoma z\u2019ibihugu byombi ziri kurebera hamwe ukuntu abantu bafite dosiye zibashinja uruhare muri jenoside bari ku butaka bwa Uganda bagarurwa mu Rwanda bakagezwa imbere y\u2019ubutabera.<\/p>\n

Yavuze ko benshi mu bagize uruhare muri jenoside bakidegembya hirya no hino ku Isi badashyikirizwa ubutabera ngo bubahane nk\u2019uko iyi nkuru dukesha Chimpreports ikomeza ivuga.<\/p>\n

Ambasaderi Mugambage ati: \u201c Kurwanya jenoside bisaba ubushake n\u2019imbaraga zihuriweho. Abakoze Jenoside yakorewe Abatutsi mu Rwanda mu 1994 n\u2019abo bafatanyije biyemeje kugoreka ukuri ku bwende ku byabaye mu myaka 24 nyuma ya Jenoside yakorewe Abatutsi mu Rwanda, FDLR irakidegembya mu karere Isi irebera<\/em> .\u201d<\/p>\n

Ambasaderi Mugambage yongeyeho ko benshi mu bacitse ubutabera baba mu Burayi nk\u2019impunzi ariko bakwiye kugarurwa mu Rwanda bakabazwa ku mabi bakoze mu gihe cya jenoside.<\/p>\n

Yakomeje atangaza ko mu rwego rw\u2019ibikorwa byo kwibuka jenoside yakorewe Abatutsi, ibikorwa byinshi nk\u2019ijoro ryo kwibuka n\u2019inyigisho zo mu ruhame bizakomeza muri kaminuza zitandukanye muri Uganda hakazabaho no kurambika indabyo ku rwibutso rwa Kasensero ruherereye mu Karere ka rakai kuwa 21 Mata.<\/p>\n

Naho mu kwezi kwa gatandatu (Kamena), hazabaho igikorwa cyo gukusanya inkunga y\u2019amafaranga yo kuvugurura urwibutso rwa jenoside rwa Ggolo mu Karere ka Mpingi.<\/p>\n

Perezida w\u2019ishyirahamwe ry\u2019abanyeshuri b\u2019Abanyarwanda biga muri Kaminuza Mpuzamahanga ya kampala, campus yo mu burengerazuba, Patrick Tumwiine, yasabye Abanyarwanda aho bari hose ku isi kwemera ko ibyabaye muri jenoside bibareba bakizeza kwishyira hamwe bagaha urugero rwiza urungano ruzaza kubw\u2019ishema ry\u2019u Rwanda.<\/p>\n

\u00a0<\/p>\n

Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\u00a0<\/p>\n

\n
\"YouTube