{"id":9920,"date":"2018-04-17T06:52:08","date_gmt":"2018-04-17T06:52:08","guid":{"rendered":"https:\/\/new.bwiza.com\/2018\/04\/17\/abarundi-bandikiye-perezida-kagame-bamusaba-gukoresha-ububasha-afite-itegeko\/"},"modified":"2025-02-12T14:25:41","modified_gmt":"2025-02-12T12:25:41","slug":"abarundi-bandikiye-perezida-kagame-bamusaba-gukoresha-ububasha-afite-itegeko","status":"publish","type":"post","link":"https:\/\/bwiza.com\/?p=9920","title":{"rendered":"Abarundi bandikiye Perezida Kagame bamusaba gukoresha ububasha afite Itegeko Nshinga ryabo ntirihindurwe"},"content":{"rendered":"

Bamwe mu banyapolitiki n\u2019abahagarariye imiryango ya Politiki, bandikiye Perezida Kagame nk\u2019umuyobozi mukuru w\u2019umuryango wa Afurika Yunze Ubumwe, bamusaba gukoresha ububasha afite, agahagarika umushinga Leta y\u2019u Burundi ifite wo guhindura Itegeko Nshinga.<\/em> <\/strong> <\/p>\n

Ni urwandiko rwateweho umukono n\u2019Umunyapolitiki, Nestor Girukwishaka, umunyamabanga ushinzwe ububanyi n\u2019amahanga mu ishyaka FNL\/Amizero mu izina ry\u2019umuyobozi mukuru Agathon Rwasa, umuyobozi wungirije mu Ishyaka FRODEBU, Leonce Ngendakumana ndetse n\u2019umuyobozi wa UPRONA, Evariste Ngayimpenda.<\/p>\n

Muri iri tangazo igihe\/Burundi gifitite kopie, ngo aba banyapolitiki bamenyesha ko mu gihe Itegeko Nshinga ry\u2019u Burundi ryahindurwa, amasezerano y\u2019amahoro no guhagarika intambara yashyizweho umukono mu 2015 i Arusha, ngo yaba azimanganyijwe.<\/p>\n

Aba banyapolitiki bagaragaza impungenge bafite ko mu gihe ryaba rihinduwe, abafite imyanya mike muri politiki batazongera kugira ijambo mu ruhando rwa politiki, ndetse ko hari na byinshi biteye inkeke byasubiza Abarundi mu icuraburindi, mu gihe amasezerano yo guhagarika intambara yaba asenywe.<\/p>\n

Uru rwandiko banarugeneye abandi bayobozi nka Perezida wa Uganda, Yoweri Kaguta Museveni uhagarariye ibiganiro bihuza Abarundi, Umunyamabanga mukuru wa Loni, Antonio Guterres, Perezida wa Kenya, Tanzania, Afurika y\u2019Epfo,\u2026<\/p>\n

Perezida Kagame yandikiwe urwo rwandiko asabwa kwinjira mu kibazo cy\u2019u Burundi nk\u2019umuyobozi wa Afurika Yunze Ubumwe, mu gihe umubano w\u2019u Rwanda utifashe neza, aho Leta yahereye mu 2015 ivuga ko u Rwanda rugira uruhare mu kubuhungabanyiriza umutekano, guha ubuhungiro abashatse guhirika ubutegetsi buriho ndetse no gutoza gisirikare abashaka kubutera.<\/p>\n

Ku ruhande rw\u2019u Rwanda, bakaba baragiye bahakana bivuye inyuma ibyo u Burundi barushinja, ko nta nyungu n\u2019imwe rwakura mu guhungabanya umutekano w\u2019u Burundi, igihugu cy\u2019igituranyi gifite byinshi gisangiye n\u2019u Rwanda.<\/p>\n

Amatora ya kamarampaka mu Burundi ateganyijwe kuba mu kwezi gutaha kwa Gicurasi 2018, bamwe mu banyapolitiki bakaba baragiye bagaragaza impungenge ko igihe ryaba rihinduwe ryaha amahirwe Perezida Nkurunziza w’ishyaka CNDD FDD kwiyongeza izindi manda kugera mu 2034 cyangwa akaba yayobora ubuzima bwe bwose.<\/p>\n

Nk’uko RFI ibitangaza, ngo Umuryango wa Afurika Yunze Ubumwe hamwe na Loni, bandikiye Leta y’u Burundi bayisaba kwitabira ibiganiro bihuza Abarundi, ishinjwa kwanga kwitabira.<\/p>\n

Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n

\n
\"YouTube