\n![\"YouTube](\"https:\/\/i.ytimg.com\/vi\/uHNDBwnERkU\/maxresdefault.jpg\")
Ku cyumweru tariki ya 15 Mata 2018, ku rwibutso rwa Jenoside rwa Ntarama mu Karere ka Bugesera habereye igikorwa cyo Kwibuka Abatutsi biciwe kuri iyi kiliziya muri Jenoside yakorewe Abatutsi. Ni mu rwego rwo Kwibuka ku nshuro ya 24 iyi Jenoside yatwaye abasaga miliyoni imwe.<\/p>\n
Ni igikorwa cyabimburiwe n\u2019urugendo rwo Kwibuka izi nzirakarengane rwahareye ahitwa kuri\u00a0Arr\u00e0\u00aat\u00e9<\/i>\u00a0\u00a0rugana ku rwibutso rwa Ntarama ahashyizwe indabo ku mva hakanafatwa umunota wo Kwibuka bucece .<\/p>\n
Umuyobozi w\u2019Akarere ka Bugesera, Nsanzumuhire Emmanuel,yavuze ko ku Abatutsi bo muri Bugesera bakorewe itotezwa kuva kuri Repubulika ya mbere n\u2019iya kabiri\u00a0\u00a0ndetse muri Jenoside nyirizina yo mu 1994 abishi bakaba bataratinye kubicira no mu nsengero.<\/p>\n
Yasabye buri wese kugira uruhare mu kurwanya ingengabitekerezo ya jenoside ndetse anasaba uwaba azi\u00a0\u00a0cyangwa afite amakuru y\u2019ahajugunnwe imibiri kuyatanga kugira ngo abo bantu bashyingurwe mu cyubahiro.<\/p>\n
Muri iki gikorwa, umusaza Mugabo Melchiad na Mugenzi we basobanuriye abari bitabiriye iki gikorwa amwe mu mateka y\u2019itotezwa ry\u2019Abatutsi kuva mu 1959 ndetse n\u2019uburyo bacirwaga mu Bugesera kugira ngo bazaribwe n\u2019inzoka ndetse n\u2019isazi ya Tsetse.<\/p>\n
Umuraza Marie Louise wari ufite imyaka 20 mu 1994, mu buhamya bwe yagarutse ku bugome Jenoside yakorewe Abatutsi yakorannwe i Ntarama aho batunguwe no kubona bicwa n\u2019abaturanyi babo. Yagarutse ku bizazane yahuye na byo, ashimira ingabo za RPA zabashije kubarokora zikanahagarika Jenoside.<\/p>\n
Guverineri w\u2019Intara y\u2019Uburasirazuba, Mufulukye Fred wari umushyitsi\u00a0mukuru muri iki gikorwa, yagaragaje itandukaniro riri hagati y\u2019ubuyobozi bubi\u00a0\u00a0bwagejeje u Rwanda kuri Jenoside yakorewe Abatutsi ndetse n\u2019ubuyobozi bwiza Igihugu gifite ubu bushyira imbere ubumwe bw\u2019Abanyarwanda. Yashimiye abacitse ku icumuu rya Jenoside yakorewe Abatutsi kuba baremeye kubabarira ababahemukiye anasaba buri wese wari muri icyo gikorwa kurinda ibyo Igihugu kimaze kugeraho.<\/p>\n
\nJenoside yakorewe Abatutsi mu 1994 i Ntarama<\/b><\/p>\n
\u00a0
\nKu itariki ya 6 Mata 1994, nyuma y\u2019amasaha make Perezida Habyarimana apfuye, kwica Abatutsi byahise bitangira muri Kigali. Ku itariki ya 07 Mata 1994, inzu z\u2019Abatutsi b\u2019i Ntarama zatangiye gutwikwa ariko bagerageza kwirwanaho. Interahamwe zo muri Ntarama zahamagaje izindi Nterahamwe zo mu tundi duce twa Bugesera maze zimaze kuba nyinshi kuva ku itariki ya 9 Mata 1994 zigaba ibitero ku Batutsi b\u2019i Ntarama. Abenshi bahunmgiye kuri kiliziya ya Ntarama. Batekerezaga ko kuri kiliziya bazahabonera umutekano nk\u2019uko byagiye bigenda mu bundi bwicanyi bakorewe .<\/p>\n
\u00a0Ku itariki ya 13 Mata 1994, Interahamwe ziyobowe na Karera Fran\u00e0\u00a7ois wari perefe wa Kigali Ngali, zabaruye Abatutsi bari bari kuri kiliziya ya Ntarama.<\/p>\n
Nyuma yo kubabarura, zababwiye ko bagomba kuguma hamwe kugira ngo Leta ibacungire umutekanao. Ariko mu by\u2019ukuri,ubu bwari uburyo bwanakoreshejwe n\u2019ahandi henshi mu Gihugu mu rwego rwo kugira ngo n\u2019abari mu bwihisho baveyo.<\/p>\n
Ku itariki ya 15, abasirikare n\u2019Interahamwe\u00a0 bavuye i Nyamata kuri kiliziya\u00a0 maze bagaba igitero ku Batutsi bagera ku 5000 bari bari kuri kiliziya ya Ntarama.<\/p>\n
Mbere na mbere igitero cyabimburiwe n\u2019abasirikare n\u2019Interahamwe bafite imbunda na za\u00a0 gerenade, nyuma\u00a0 Interahamwe zifite imihoro n\u2019izindi ntwaro gakondo zinjira muri kiliziya zica abari bagihuumeka.<\/p>\n
\u00a0Jenoside i Ntarama yakoranwe ubugome n\u2019ubunyamaswa bukabije kuko abenshi bakorewe iyicarubozo kugeza bashizemo umwuka, abishi bafomozaga inda z\u2019ababyeyi batwite\u00a0 bavuga ko bashaka kureba uko Umututsi utaravuka aba ameze, ndetse mu ishuri ry\u2019abana ryo ku cyumweru ho abana bahondagurwaga ku nkuta kugeza bapfuye, abishi bavuga ngo ntibashaka gupfusha amasasu yabo ubusa.<\/p>\n
\u00a0Igitero cyari kiyobowe na perefe Karera Fran\u00e0\u00a7ois wahaga amabwiriza abasirikare, Interahamwe ndetse n\u2019abaturage bari bari muri icyo gitero.<\/p>\n
Ababashije kurokoka\u00a0 ibitero byo kuri kiliziya ya Ntarama ndetse n\u2019abandi bakomeje kwihishahisha mu bihuru no mu rufunzo.<\/p>\n
Kugera ku itariki 30 Mata 1994, Interahamwe zakomeje kubahiga muri ibyo bihuru zikoresheje imbwa abo zibonye zikabica abandi zikabaroha mu mugezi w\u2019Akagera.<\/p>\n
\u00a0Jenoside muri Bugesera yarangiye ku itariki 14 Gicurasi, ingabo z\u2019 Inkotanyi zimaze gufata Nyamata.<\/p>\n
\n\u00a0Urwibutso rwa Jenoside rwa Ntarama<\/b><\/p>\n
Urwibutso rwa Ntarama ruri mu Karere ka Bugesera, Intara y\u2019Iburasirazuba. Ruri ahahoze kiliziya ya santarari \u00a0gatolika ya Ntarama. Rushyinguyemo abantu bagera ku 5000 bazize Jenoside yakorewe Abatutsi biciwe muri iyi kiliziya, mu ishuri ryayo abana bigiragamo gatigisimu, mu gikoni cy\u2019abapadiri ndetse no mu busitani bw\u2019iyi kiliziya.<\/p>\n
Src:CNLG<\/p>\n
\u00a0<\/p>\n
Kanda kuri SUBSCRIBE ujye ubona ibiganiro n\u2019indirimbo bishya<\/strong> <\/a><\/p>\n\n