Umucamanza ukurikirana ibibazo byo mu miryango mu mujyi wa Toulouse mu Bufaransa, kuri uyu wa Gatanu ushize yafashe icyemezo ko umwana w\u2019umuhungu wavutse mu kwezi kwa munani, umwaka ushize, ababyeyi be bakamwita Jihad, bihinduka akitwa Jahid mu bitabo by\u2019irangamimerere.<\/p>\n
Mu gihe ababyeyi b\u2019uyu mwana bifuzaga gukomeza kumuhamagara Jihad mu kanwa, umucamanza yahisemo ku nyungu z\u2019uyu mwana kubusanya inyajwi ebyiri ziri mu izina rye kugirango yandikwe mu gitabo nk\u2019uko ubushinjacyaha bwabitangarije AFP.<\/p>\n
Ubusanzwe ijambo Jihad ry\u2019Icyarabu risobanura Intambara ntagatifu irwanwa mu rwego rwo kwirakwiza no kurinda imyemerere ya kisilamu, ariko, ubuyobozi bw\u2019umujyi wa Toulouse, ugendeye ku bikorwa by\u2019iterabwoba n\u2019intambara ntagatifu byagiye byibasira uyu mujyi, bwabimenyesheje umushinjacyaha wa repubulika ngo agire icyo akora.<\/p>\n
Mu mwaka ushize mu kwezi kwa 11, umujyi wa Nice nawo witabaje ubutabera nyuma y\u2019ivuka ry\u2019umwana w\u2019umuhungu wari ugiye kwandika mu bitabo by\u2019irangamimerere ku izina rya Mohamed Nizar Merah, izina risa neza nk\u2019iry\u2019icyihebe cyagize uruhare mu bitero byagabwe I Toulouse n\u2019ahitwa Montauban mu 2012, umuvandimwe we akaba yaraciriwe urubanza I Paris ashinjwa ubufatanyacyaha. Mohamed Merah akaba ashinjwa uruhare mu rupfu rw\u2019abantu 7 muri Werurwe 2012, barimo abana batatu b\u2019Abayahudi.<\/p>\n
Ubuyobozi bw\u2019umujyi wa Nice bukaba bwaravuze ko icyemezo cy\u2019ababyeyi cyo kwita uwo mwana gutyo cyashoboraga kuba kinyuranyije n\u2019inyungu z\u2019umwana ndetse bakijyanisha no gushyigikira iterabwoba. Ubushinjacyaha bwitabaje umucamanza ushinzwe ibibazo by\u2019imiryango biba ngombwa ko ababyeyi b\u2019umwana bahindura ayo mazina.<\/p>\n
\u00a0<\/p>\n