FPR

Kwamamaza

Kwamamaza

Inteko Ishinga Amategeko y’u Rwanda n’iy’u Buhinde byasinye amasezerano y’ubufatanye

0

Mu ruzinduko Perezida w’Inteko Ishinga Amategeko y’u Rwanda Umutwe wa Sena, Makuza Bernard, yagiriye mu gihugu cy’u Buhinde kuri uyu wa 10 Nyakanga, yagiranye y’ubufatanye hagati y’Inteko z’ibihugu byombi na Visi-Perezida wa kiriya gihugu, Muppavarapu Venkaiah Naidu.

Makuza Bernard yagiye muri kirya gihugu ku butumire bwa Muppavarapu Venkaiah Naidu, akaba ari n’umuyobozi Mukuru w’Akanama k’Ikirenga k’Inteko Ishinga Amategeko y’u Buhinde (Rajya Sabha), aho bagiranye ibiganiro birebire byasojwe no gushyira umukono ku masezerano y’ubufatanye hagati y’Inteko Zishinga Amategeko zombi, iy’u Rwanda n’iy’u Buhinde.

Uruzinduko rwa Perezida wa Sena Makuza Bernard mu Buhinde rugamije gutsura umubano hagati y’ibihugu byombi, aba bayobozi bombi bakaba bashimye umubano uri hagati yabyo mu bya politiki, biyemeza kuwushimangira nk’ikimenyetso cyo kongera ubufatanye mu bukungu n’ishoramari.

Ni mu gihe mu mpera z’uku kwezi kwa Nyakanga 2018 Minisitiri w’Intebe w’u Buhinde Narendra Modi azasura u Rwanda.

Avuga kuri uru ruzinduko rwa Minisitiri w’Intebe w’u Buhinde mu Rwanda, Makuza yavuze ko ruzateza imbere ubutwererane bw’ibihugu byombi, cyane ko u Rwanda rushaka ubufatanye n’u Buhinde mu nzego z’ubuhinzi n’ingufu.

 

Tanga igitekerezo cyawe

Your email address will not be published.