DGPR

Kwamamaza

Kwamamaza

Karongi: Ushinzwe uburezi mu karere yakubitiye umuyobozi w’ishuri mu maso y’abanyeshuri n’abarimu

4

Hashize ibyumweru bisaga 3 umukozi ushinzwe uburezi mu karere ka Karongi aciriye akanakubita umuyobozi w’ishuri ribanza rya Gataka mu murenge wa Mubuga ho mu karere ka Karongi, kugeza ubu ngo uwo mukozi akaba atarakurikiranwa.

Uyu mukozi ushinzwe uburezi mu karere ka Karongi, Hitumukiza Robert yasuye kiriya kigo ubwo yasangaga hari abana bakerewe kugera ku ishuri ku masomo ya mugitondo.

Uyu muyobozi ngo nta kindi yakoze uretse gucira mu maso akanakubita urushyi mu itama umuyobozi w’iri shuri, Nkundumukiza Jean Bosco mu maso y’abanyeshuri na bamwe mu barezi baharerera, gusa abarezi bavuga ko atari ibi gusa uyu muyobozi yakoze.

Ibyumweru 3 birihiritse, ubuyobozi bw’akarere ka Karongi buvuga ko buri mu iperereza kuri iki kibazo ariko bukaba nta cyo buragikoraho cyangwa ngo bugiye icyo bubitangazaho ku byaba byaravuye mu iperereza nk’uko byatangajwe na nyiri gukubitwa.

Uyu muyobozi w’ishuri yabwiye Umuseke dukesha iyi nkuru  ati “Ubundi yaje tuvuye kuri ‘ressamblement’ ambaza niba yabaye, mubwira ko yarangiye anshira mu maso ngo ninzibe, ahita ankubita urushyi.”

Ibi byaramubabaje cyane nk’umugabo gukubitirwa imbere y’abanyeshuri n’abarezi maze abibwira abamukuriye asaba ko arenganurwa.

Yakomeje agira ati “Kandi si njye bibayeho bwa mbere, icyo nifuza ni uko yagirwa inama.”

Umwe mu barimu bigisha kuri ririya shuri, Ngirababo Cyprien we ngo ntiyumva ukuntu umuyobozi akubita mugenzi we bose ari abantu b’abagabo byongeye bahuriye ku kintu cy’uburezi[…]

Agira ati “Twaratunguwe kubona umuyobozi asebya mugenzi we imbere y’abanyeshuri, byaratubabaje cyane, twaramugaye.”

Hitumukiza Robert ushinjwa gukubita umuyobozi w’ishuri yabwiye umunyamakuru w’umuseke  ko yajya kubaza Polisi aho bamureze. Ati “Ayo ni amagambo murimo, niba mukorera igitangazamakuru gisobanutse muzaze tuvugane.”

Ni mu gihe umuyobozi y’aka karere, Ndayisaba Francois we avuga ko bakiriye ikirego ndtse bakanoherezayo abantu bagomba kugikurikirana bityo bakaba bategereje ikizava muri iryo perereza.

 

 

 

4 Ibitekerezo
  1. Bruce says

    Ubwo RIB itegereje iki? Ariko kuki abantu mukorera ku jisho. Ukorera ku jisho aba ari corrupted. Aba asenya igihugu

  2. Kayobera says

    Uwo muyobozi ushinzwe uburezi mukarere akurikiranwe cyane icyaha nikimuhama agihanirwe hakurikijwe amategeko. Ntabwo rwose uwo yari akwiye kuba umuyobozi w’uburezi

  3. gakire says

    ubwo se yaba ari umuyobozi cg ni umunyagitugu?
    ibi n’ugusubiza abantu aho bavuye. ibi ntibikwiye kobaho. Wagirango ntiyarezwe niba koko yarabikoze.

  4. mwidishyi says

    Erega siwe wenyine, mwibagiwe uwakoropeshejwe toilet imbere yabana se? Abayobozi na Karongi nta burere bafite!

Tanga igitekerezo cyawe

Your email address will not be published.