DGPR

Kwamamaza

Kwamamaza

Kigali/Karongi: Umuhanda si nyabagendwa kubera inkangu yawufunze ku rutare rwa Ndaba

0

Imvura nyinshi yaguye mu ijoro ryo ku wa Gatanu rishyira iryo ku wa Gatandatu itariki ya 28 Mata 2018, yateje inkangu yafunze umuhanda wa kaburimbo, Kigali-Karongi, ahazwi nko ku Rutare rwa Ndaba.

Kubera ibi biza, inzego za Leta muri aka karere kimwe na Polisi y’u Rwanda, baramenyesha abakoresha uyu muhanda ko ufunze mu gihe bigikurwaho.

Bicishijwe ku rukuta rwa Twitter rw’umurenge wa Bwishyura, bagira bati “Kubera imvura yaraye igwa ari nyinshi mu ijoro ryo kuwa 27-28/04, umuhanda Karongi – Kigali ntabwo ari nyabagendwa kubera inkangu yaguye mu muhanda ku rutare rwa Ndaba. Imirimo yo kugikuramo irihutishwa”.

Polisi y’u Rwanda nayo igira iti “Police y’u Rwanda iramenyesha abakoresha umuhanda Karongi -Muhanga mu Murenge wa Rugabano aho bita ku rutare rwa Ndaba ko inkangu yafunze umuhanda ukaba utari gukoreshwa. Tubasabye kwihangana mu gihe hagikorwa ibishoboka ngo ivanwemo”.

Uretse aha kandi, ngo n’umuhanda uhuza Karongi  na Ruhango unyura mu murenge wa Murambi nawo kuwucamo ngo ni ingorabahizi kuko umugezi wa Nyabarongo wasendereye mu muhanda.

Kanda kuri SUBSCRIBE ujye ubona ibiganiro n’indirimbo bishya

Tanga igitekerezo cyawe

Your email address will not be published.