FPR

Kwamamaza

Kwamamaza

Kuva kuwa 01 Kanama 2018 uwishyuye mituweli azabasha kwivuza mu gihe uzaba atarishyura bitazamukundira

0

Minisiteri y’Ubutegetsi bw’Igihugu (MINALOC) n’Ikigo cy’Ubwiteganyirize mu #Rwanda (RSSB) @RssbInfo birashishikariza Abanyarwanda muri rusange, cyane cyane abakoresha mituweli, kwihutira kwishyura umusanzu wa Mituweli wa 2018-2019.

Kwishyura umusanzu wa Mituweli wa 2018-2019 bizatuma kuva ku itariki ya mbere Kanama 2018 uwishyuye ashobora kwivuza mu gihe uzaba atarishyura atazahabwa serivisi z’ubuvuzi. Kwishyura hakoreshwa gusa uburyo bw’ikoranabuhanga.

Minisiteri y’Ubutegetsi bw’Igihugu iboneyeho kandi umwanya wo kumenyesha ibi bikurikira:

1. Imirenge SACCO ntiyemerewe kwakira umusanzu wa Mituweli bitanyuze mu ikoranabuhanga;

2. Abakozi b’Inzego z’Ibanze ntibemerewe kwakira umusanzu wa Mituweli ngo bajye kwishyurira abaturage ahubwo basabwa gukangurira no gufasha abaturage gukoresha uburyo bwo kwishyura umusanzu wa Mituweli hakoreshejwe ikoranabuhanga;

3. Ubuyobozi bw’Inzego z’Ibanze burasabwa kwihutisha igikorwa cyo gukosora amakuru atameze neza mu byiciro by’ubudehe kugira ngo kwishyura umusanzu wa Mituweli hakoreshejwe ikoranabuhanga bigende neza;

4. Abakozi b’Irembo @IremboGov n’abandi bashinzwe gufasha abaturage kwishyura umusanzu wa Mituweli ntibyemerewe kwishyuza amafaranga arenga ku musanzu wa Mituweli. Abaturage barasabwa kudahishira ababaka amafaranga y’inyongera;

5. Kwivuza ku misanzu y’umwaka urangiye wa 2017-2018 bizarangirana n’itariki ya 31 Nyakanga 2018;

6. Kugeza tariki ya 30 Nzeri 2018 abamaze kwishyura bazajya bemererwa guhita bivuza badategereje iminsi 30 nk’uko byari bisanzwe.

Abagize Umuryango bemererwa kwivuriza kuri Mituweli gusa igihe imisanzu y’abagize uwo muryango bose yamaze kwishyurwa.

MINALOC na @RssbInfo biributsa ko kwishyura umusanzu wa Mituweli bikorerwa aha hakurikira:

  1. Mu Mirenge SACCO; 2.
  2. Ku biro by’Imirenge yose ahakorera abahagarariye Irembo (“Agents”);
  3. Abahagarariye Irembo (“Agents”) bari hirya no hino mu gihugu ku dusantere tw’ubucuruzi;
  4. Abahagarariye MobiCash (“Agents”) bari hirya no hino mu Gihugu hose ku dusantere tw’ubucuruzi;
  5. Ubishoboye yakwishyura akoreshejwe telefoni igendanwa. Yandika *909# akemeza, hanyuma agakurikiza amabwiriza;
  6. Ushaka kumenya umusanzu yishyuye akoresha telefoni igendanwa. Yandika *876# akemeza, hanyuma agakurikiza amabwiriza.

Tanga igitekerezo cyawe

Your email address will not be published.