Sosiyete Sivile yo muri Masisi mu ntara ya Kivu y'Amajyaruguru, iravuga ko imitwe ya Wazalendo yasubije inyuma inyeshyamba za M23.
Ni nyuma y'imirwano imaze iminsi isakiranya impande zombi muri Teritwari ya Masisi.
Léon Mema wo muri Sosiyete Sivile i Masisi, yatangaje ko aba-Wazalendo birukanye M23 ahitwa Kobokobo winjira i Karuba, isantere y'ubucuruzi iri muri Masisi.
Yunzemo ko nyuma yo kwirukana M23 muri kariya gace Wazalendo bakomeje kureba uko bajya gukura M23 i Mushaki; Umujyi imaze igihe yarirukanyemo Ingabo za Repubulika Iharanira Demokarasi ya Congo.