Mu ndirimbo “Timbuktu” Jean Paul Samputu yamaganye ibikorerwa Abanyafurika muri Libya

4

Umuhanzi mpuzamahanga w’ umunyarwanda ukorera muzika mu Bwongereza, Jean Paul Samputu abaye mu ba mbere ku Isi mu gushyira hanze indirimbo irwanya inamaganira kure ubucakara bukomeje gukorerwa abirabura muri Libya.
Mu ndirimbo ” Timbuktu Mon Amour”, Jean Paul Samputu agerageza gutanga ubuhamya bwerekana ishusho y’ umwirabura unaniwe, urushye, wambuka Ubutayu bwa Sahara ndetse n’ Inyanja ya Mediterane yifuza kugera i Burayi.
Samputu ati “Navuye mu cyaro iwacu aho mvuka ngamije guhunga imibereho mibi , narambutse Sahara niyo izi umunezero n’ umujinya byanjye byose ariko ngeze i Tripoli ngenewe urupfu, nahise ntabwa muri yombi nzira ko ndi umunyamahanga”.
[xyz-ihs snippet=”google-pub”]
Umwanditsi, Rafiki Ubald nk’ inshuti y’ umuhanzi Jean Paul Samputu niwe wanditse amagambo y’ indirimbo “Timbuktu Mon Amour” bakaba banafitanye imikoranire yo hafi ku gitabo Samputu ateganya kuzashyira ahagaragara mu mwaka utaha.
Muri iki gihangano “Timbuktu Mon Amour” , Samputu aririmba Timbuktu , Tinbuktu, Timbuctoo cyangwa se Timbuktoo ni umurwa wa kera wa Mali uzwiho ubucuruzi bw’ abacakara bajyanwaga gucuruzwa mu Burayi ndetse no mu bihugu by’ arabu gukora imirimo y’ imbaraga bakwanga bakaba bakwicwa.
Jean Paul Samputu wagizwe ambasaderi w’ amahoro ni umwe mu bahanzi b’Abanyarwanda bazwi ku rwego mpuzamahanga.
Aherutse kwandikwaho igitabo « Rwanda’s Voice: An Ethnomusicological Biography of Jean-Paul Samputu » cyanditswe n’Umunyamerika Swanson Brent wo muri Kaminuza ya Miami, wakoze ubushakashatsi kuri muzika y’u Rwanda.

Kanda hano ujye ubona amakuru yihuse kandi kugihe kuri Facebook no kuri twitter
Gaston Rwaka/Bwiza.Com
 
 
 

Musubize:

Tanga igitekerezo
Andika amazina