Nashatse umugabo ariko nongeye kwiyumvamo amuhungu twiganye, ashobora kunsenyera pe! NKORE IKI?

25

Mwongeye kwirirwa bakunzi b’ikinyamakuru BWIZA.COM nagirango mumfashe mu kibazo cyambanye ihurizo, nakundanye n’umuhungu muri Secondaire twarakundanye bidasanzwe ku buryo no ku ishuri batwitaga abasazi kubera ukuntu buri kanya twabaga turi kumwe. Iyo hashiraga isaha ntabonye Daniel, numvaga nta mahoro mfite, nkagira imbeho ntazi aho iturutse, gukurikira mwarimu bikananira.
[xyz-ihs snippet=”google-pub”]
Byageze aho yajyaga ataha, akansigira isengeri ye kugirango nimukumbura nyihumurize cyangwa nyisegure , maze ngire amahoro.
Twaje kurangiza amashuri yisumbuye, twese tujya mu buzima bw’ubushomeri. Imyaka ibiri yose yashize nta n’umwe muri twe urabona akazi nta n’uwagiye muri kaminuza ngo akomeze yige
Ubwo kandi uko imyaka yashiraga niko nabonaga imyaka y’ubukure nayo insiga.Negereye Daniel tubiganiraho, mubaza niba afite gahunda yo kungira umugore vuba, cyangwa niba ntayo ngo nishakire abandi.
Yampaye uburenganzira rwose, ambwira ko adashobora kumbuza kwishakira mu gihe naba nabonye undi. Yanyijeje kandi ko nta kibazo azabigiraho.
[xyz-ihs snippet=”google-pub”]
Nyuma naje kubona undi musore wari ufite akazi n’amafaranga aringaniye. Tumenyanaho amezi make, ahita anansaba ko twabana ndamwemerera.Tumaze gukora ubukwe Daniel yirinze kumpamagara cyane . Mbonye atakimpamagara nagize ngo twaranganye, mwoherereza SMS(ubutumwa bugufi) mubaza niba byaramubabaje kuba narashatse umugabo, mu kunsubiza ambwira ko nta kibazo afite ahubwo yatinyaga gusa.
[xyz-ihs snippet=”google-pub”]
Kuva ubwo nabaye nk’ukojeje agati mu ntozi, nta munsi bwira atanyandikiye SMS , none aho bigeze najye ndumva nasubiye mu bihe nk’ibyo muri secondaire. Ndumva ndemerewe no kuba naramusize.Umugabo wanjye ntabyo azi, kandi nta n’ikibazo ajya angiraho ariko ndabona byazaduteranya naramuka amenye ibya Daniel.
Mungire inama y’icyo nakora kuko nanjye mbona mba nabuze uko nabihagarika murakoze
Kanda hano ujye ubona amakuru yihuse kandi kugihe kuri Facebook no kuri twitter
@Bwiza.com
 

Musubize:

Tanga igitekerezo
Andika amazina