FPR

Kwamamaza

Kwamamaza

Nyuma yo kuva muri Viet-Nam minisitiri Mushikiwabo yerekeje muri Cambodia gushaka amajwi

0

Minisitiri Louise Mushikiwabo akomeje ibikorwa byo gushakisha ibihugu bizamushyigikira mu matora k’Ubunyamabanga Bukuru bw’Umuryango w’Ibihugu bikoresha ururimi rw’Igifaransa (OIF), aho nyuma yo gukubuka muri Viet-Nam kuri uyu wa Kane, itariki 09 Kanama, yerekeje muri Cambodia.

Mu gihugu cya Cambodia, minisitiri Louise Mushikiwabo yakiriwe na mugenzi we, Prak Sokhonn bagirana ibiganiro.

Minisitiri w’ububanyi n’amahanga wa Cambodia, akaba yatangaje ko minisitiri Mushikiwabo yijeje ko naramuka atowe azazamura ubufatanye hagati y’urubyiruko hagati y’ibihugu byombi.

Minisitiri Sokhonn yandi nk’uko tubikesha urubuga khmertimeskh.com rwo muri Cambodia, yongeyeho ko mugenzi we w’u Rwanda, Mushikiwabo yijeje ko azaharanira ko amavugurura mu bijyanye n’ubwisanzure n’ibikorwa by’ubutabazi mu bihugu bigize OIF.

Minisitiri Mushikiwabo aherekejwe na mugenzi we wo muri Guinea, mamadi Toure bakiriwe na mugenzi wabo wo muri Cambodia, Prak Sokhonn

Minisitiri w’ububanyi n’amahanga wa Cambodia akaba avuga ko ubusabe bwo kumushyigikira Mushikiwabo yabagejejeho bwohererejwe Minisitiri w’Intebe, Hun Sen ngo bwemezwe.

Yagize ati: “Minisitiri w’ububanyi n’amahanga yoherereje ubusabe umukuru wa guverinoma. Tuzabimenya ku munsi w’amatora.”

Umuryango w’Ibihugu bikoresha ururimi rw’Igifaransa ugizwe n’ibihugu 58 n’ibindi 26 biwubamo nk’indorerezi. Umunyamabanga Mukuru wawo kuri ubu ni Umunyakanadakazi Michaella Jean.

Nyuma yo kuzenguruka hirya no hino muri Afurika ashakisha ibihugu bizamushyigikira, mu ntangiriro z’uku kwezi kwa kanama nibwo byari biteganyijwe ko minisitiri Louise Mushikiwabo azakomereza ibi bikorwa mu Burayi bwo hagati ndetse no muri Aziya yo mu majyepfo y’uburasirazuba.

Ku munsi wa kabiri w’uruzinduko rwe muri Aziya, minisitiri Louise Mushikiwabo akaba yari aherekejwe na mugenzi we wa Guinea, Mamadi Toure.

 

Tanga igitekerezo cyawe

Your email address will not be published.