Rubavu: Ireme ry’uburezi ribangamiwe n’ikibazo cy’ubucucike bw’abana no guta amashuri bya hato na hato

15

Ikibazo cy’ubucucike bukabije mu mashuri abanza cyane cyane mu myaka ya mbere y’amashuri, kiri mu bibazo bituma ireme ry’uburezi muri aka Karere ka Rubavu ridindira, ibi kandi bikiyongeraho n’ikibazo cyo guta amashuri nk’uko bitangazwa na Madame Rachel Mukamuganga Mahuku, umurezi akaba n’Umukozi w’ikigo gikorana na Minisiteri y’Uburezi gishinzwe guteza imbere Ireme ry’uburezi Well Spring Foundation for Education.
Yagize ati”ikibazo twabonye I Rubavu ni ikibazo cy’ubucucike ndetse n’abana bata amashuri. Usanga mu gihe umwaka utangiye abana aba ari benshi cyane ariko umwaka ukarangira baragabanutse tukabura aho bagiye”.
[xyz-ihs snippet=”google”]
Abarezi mu bigo by’amashuri yo mu Karere ka Rubavu bitabiriye ibiganiro bigamije gusuzumira hamwe uko ireme ry’uburezi rihagaze, bavuga ko , ibi bibazo bidahagurukiwe, byakomeza kuzambya uburezi, bitewe n’uko muri bimwe mu bigo by’amashuri byo mu Karere ka Rubavu hari abarezi bashyira mu myaka ya mbere abana batujuje imyaka yo kuyigamo, bikongera ubucucike ndetse bikanabangamira imitsindire y’abagitangira amashuri.
Umuyobozi w’ishami ry’uburezi mu Karere ka Rubavu, Mwangange Uwamahoro Mediatrice, avuga ko ari iby’ingenzi biyemeje kurandura. Yagize ati”Abana bariga neza kandi bagatsinda, ariko haracyari ikibazo ku mitsindire yo mu mwaka wa mbere no muwa kabiri kuko hari ibigo byakira abana bataruzuza imyaka bigatera ubucucike, ndetse ni nabo biganjemo na bamwe bata amashuri bya hato na hato”
Mu mahugurwa ahuje abarezi, abayobozi b’ibigo kimwe n’abayobozi b’uburezi mu mirenge inyuranye mu Karere ka Rubavu, ku bufatanye n’ikigo gikorana na Ministeri y’uburezi gitanga amahugurwa agamije kuzamura ireme ry’uburezi Well spring foundation for education, haritabwa cyane kuri iki kibazo cy’ubucucike, ikibazo cyo guta amashuri ku bana, ndetse n’ikibazo cy’imiyoborere ikwiye mu burezi hagamijwe imitsindire ishimishije ndetse no kuzamura ireme ry’uburezi.

Habarugira Mafundi Samuel, Umuyobozi w’Uburezi mu Murenge wa Bugeshi, na Masunika Victor, Umuyobozi w’Urwunge rw’Amashuri y’Umubano wa kabiri, bavuga ko biteguye impinduka nziza. MASUNIKA yagize ati”Intambwe imaze guterwa mu ireme ry’uburezi no guca ikibazo cy’abana bata amashuri irashimishije. Umwaka utaha twiyemeje kuzashyiramo ingufu kandi tuzabigeraho”
Nubwo hagaragajwe ikibazo cyo guta amashuri kw’abana, hari intambwe ikomeye aka karere kateye mu kugarura abana mu mashuri aho kuri ubu bageze kuri 97,3% kandi aba barezi bakaba biyemeza ko n’abasigaye bazabagarura mu mwaka utaha.
Amahugurwa nk’aya, yabanje mu Karere ka Gasabo, akaba yaratanze umusaruro mwiza binatuma n’utundi turere dutangira kuyatekerezaho.
 
Kanda hano ujye ubona amakuru yihuse kandi kugihe kuri Facebook no kuri twitter
 
MAGARAMBE THEODORE
 

Musubize:

Tanga igitekerezo
Andika amazina