Shakib Lutaaya yatangaje ko amakuru amaze iminsi akwirakwira ku mbuga nkoranyambaga avuga ko yatandukanye n’umugore we Zari Hassan atari ukuri.
Yasobanuye ko urugo rwabo ruhagaze neza, nta kibazo na kimwe kiri hagati yabo, anashimangira ko bagikundana nk’uko byahoze. Yavuze ko abantu bamwe bakunda guhanga inkuru zidafite gihamya kugira ngo bakurure amarangamutima y’ababakurikira.
Shakib yongeyeho ko atajya aha agaciro amagambo yose avugwa ku buzima bwe bwite, kuko akenshi aba ari ibihuha. Yagaragaje ko we n’umugore we bakomeje kwita ku mubano wabo no gukora ibyabo bya buri munsi, batita ku bavuga ibitandukanye n’ukuri.
Yasoje ashimangira ko nta muntu uwo ari we wese ugerageza kwivanga mu mibanire yabo, kandi ko nta n’ibibazo bihari byatuma bavuga ko batandukanye.