Uganda: Imva ya Ivan Semwanga yacukuwe n’abataramenyekana bateshwa n’imbwa

10

Mu ijoro ryo kuri uyu wa Kabiri tariki ya 6 Ukuboza 2017, imva y’umuherwe Ivan Ssemwanga yataburuwe n’abantu bari bakurikiyemo imari bateshwa n’imbwa zabakanze bakiruka.
Ikinyamakuru the new vision dukesha iyi nkuru kivuga ko aba bantu batamenyekanye bagerageje gucukura imva y’uyu muherwe imaze igihe ashyinguranywe akayabo k’amafaranga ariko ntibyabahira kuko umugambi wa bo bawuteshejwe na za nyakabwana na zo zari zariraye.
Iki kinyamakuru gihumeza kivuga ko iyi mva itari ikirindwa n’inzego z’umutekano nk’uko byari bimeze akimara gushyingurwa, ikaba yari isigariye aho kuko abayirindaga bigendeye nyuma yo kwamburwa.
[xyz-ihs snippet=”google-pub”]
Uyu muherwe yashyinguwe mu kwezi kwa 5 uyu mwaka afite imyaka, ubwo abapolisi bo mu gipolisi cya Uganda batangiraga kurinda imva ye ngo hatagira iyangiza bitewe n’ubutunzi yashyinguranywemo.
The new vision ivuga ko aba bapolisi barariraga imva y’umukire ku kiraka bari barahawe n’umuryango we cyo kujya bishyurwa Miliyoni y’Amashilingi ariko bagahembwa ibihumbi 600 by’ukwezi kwa mbere gusa andi bakayamburwa nab o bagahita bigendera.
Ssemwanga yari umwe mu baherwe bo mu gihugu cya Uganda, wabaga muri Afurika y’Epfo ari na ho yari afite ibikorwa byinshi byatumaga yinjiza iritubutse, akaba yarasize abana 3.
Kanda hano ujye ubona amakuru yihuse kandi kugihe kuri Facebook no kuri twitter
Nsengimana@Bwiza.com