DGPR

Kwamamaza

Kwamamaza

Uganda: Umukino w’urusimbi warangiye abawukinaga bose babuze ubuzima

0

Abagabo babiri bapfiriye mu mirwano yadutse itewe n’umukino w’urusimbi bakinaga mu mujyi wa Mityana mu gihugu cya Uganda.

Nk’uko bitangazwa na polisi, uwitwa Ronald Mukiibi, utuye ahitwa Kabule, mu Karere ka Mityana, yishwe atewe icyuma n’umuntu bakinaga urusimbi rw’amakarita hatamenyekanye imyirondoro ye.

Ababonye uko ibi byagenze, batangarije Daily Monitor dukesha iyi nkuru ko Mukiibi yari amaze kubura 30,000 by’Amashilingi yari amaze kuribwa ariko akanga kuyaheba.

Uwo mugabo utamenyekanye bakinaga ngo yahise asingira icyuma cyakoreshwaga n’umwana wakoraga capati hafi aho, agitera Mukiibi mu gutwi nk’uko bitangazwa n’umuvugizi wa polisi witwa Nobert Ochom.

Mukiibi wahise atangira kuvirirana amaraso menshi, yajyanywe ku Bitaro bya Mityana, aba ari naho apfira, mu gihe uwo mugabo wamuteye icyuma yahise afatwa n’abaturage batangira kumuhondagura kugeza ataye ubwenge nawe bamujyana ku Bitaro bya Mityana, ari naho nawe yapfiriye.

Umurambo wa Mukiibi washyikirijwe umuryango we ngo ujye kumushyingura, mu gihe umurambo w’uwo mugabo wundi ukiri mu buruhukiro bw’Ibitaro bya Mityana.

 

Tanga igitekerezo cyawe

Your email address will not be published.