Umugabo wanjye ni pasiteri, twese turakijijwe, ndatwite ariko inda yatumye nshaka inzoga cyane, niyo impumuriye mbura amahoro – NKORE IKI?

19

Bene data, ndabaramutsa mu izina ry’umwami Yesu, mumbabarire ntabwo nifuje ko amazina yanjye atangaza, kubera inshingano mfite mu itorero umugabo wanjye abereye umuyobozi.
Ndi umugore, ubu ntwite inda ya kabiri, kuva mu bukumi bwanjye ku myaka nka 17, sinababwira uko inzoga iryoha ariko ubu umutima wanjye urenda guturika kubera kuyirarikira.
Inda mfite imaze kugira amezi atanu n’iminsi mike, ariko uko amezi akura ndushaho kumva nshaka inzoga cyane, niyo nciye hafi yaho bazicururiza mba numva umutima wenda kuvamo, kubona aho bayinywa byo biba ibindi.
Sinzi niba navuga ko ari ikigeregezo cya satani, nshuti zacu za bwiza.com, nimungire inama, umugabo wanjye narabimubwiye, abifata nk’inzozi mbi narose, ndongera ndamubwira abifata uko, ariko aho bigeze ndumva byandenze, mbese meze nk’umuntu wazamutse umusozi cyane ku zuba ryinshi, yagera hejuru akabura amazi yo kunywa.
Si uko nyobewe ko inzoga ari mbi, sinavuga ko iryoha ari iyi cyangwa iriya, si ubwoko bw’inzoga runaka numva ndarikiye, nanjye byanyobeye ibyambayeho. Umugore nagishije inama we yahise ambwira ko amaherezo ngomba kuyinywa kandi na we arakijijwe, ariko na none nkatinya icyaha, umugabo se we nasanga nayinyoye? nabyo nkumva bishobora kunsenyera, kumva ngo umugore wa pasiteri anywa inzoga cyangwa hakagira umbona ndimo kuyigura.
Mungire inama, dukunda inama mutugira. Murakoze Imana ikomeze kubaha umugisha.

GITEKEZO 1

  1. Inda zifata ukwinshi hari nabanywa itabi ibitaka ibinonko njye kubwanjye wayinywa kugirango utekane naho.kuvugakp ari icyaha simbyumva mu gihe izaba inyowe nkumuti

Musubize:

Tanga igitekerezo
Andika amazina