FPR

Kwamamaza

Kwamamaza

Urutonde rw’ingomero 10 ku Isi ziryoheye ijisho kuzireba- REBA AMAFOTO

0

Amazi ni ingenzi mu buzima, amazi yifashishwa mu bikorwa byose hirya no hino ku Isi. Mu bitabo byagiye byandikwa n’abahanga, bagaragaza ko ‘Nta mazi, nta buzima”.

Hirya no hino ku Isi, hagaragara ingomero zitanga ingufu z’amashanyarazi, zimwe muri zo ugasanga zarafatiwe ahantu nyaburanga habereye ijisho hanakorerwa ubukerarugendo.

Ingomero ziryoheye ijisho, twavuga nka:

1.Urugomero rwa Sutherland

Uru rugomero ruherereye mu Majyepfo ya Nouvelle-Zélande, rukaba ruri ku buhaname bwa metero 580, by’umwihariko rukaba ruri mu za mbere ku Isi rusurwa. Uru rugomero rusurwa kenshi n’abaturutse imihanda y’Isi kubera uburyo rubereye ijisho kurureba.

2.Urugomero rwa Dettifoss

Ni urugomero ruherereye ku kirwa cya Iceland, si rurerure kandi si na runini ahubwo ruhuruza imbaga bitewe n’uburyo rugaragara, ndetse rukaba runaherereye ahantu haba ubukonje cyane.

3.Urugomero rwa Salto Angel

Uru rugomero rufite ubuhaname bwa metero 979 rukaba ari rwo rugomero rwa mbere rurerure ku isi karemano, rukaba ruri muri pariki y’igihugu ya Canaima, muri Venezuela.

4.Urugomero rwa Havasu

Ruherereye muri Leta Zunze Ubumwe za Amerika, rukaba ruri muri pariki ya Grand Canyon, kubera amazi yarwo asa ubururu, amanukira ku bitare by’umutuku, bituma amazi yarwo agira ibara riryohera ijisho ry’abayareba.

5.Urugomero rwa Niagara

Ruri muri Canada, uru rugomero ruza mu za mbere zizwi ku Isi kandi rukanaba rusurwa cyane.

6.Urugomero rwa Plitvice

Ni urugomero rwo mu gihugu cya Croatia, ruherereye hagati y’imijyi Zagreb na Zadar. Rukaba kandi muri pariki y’igihugu yiswe iy’ibiyaga bya Plitvice “Parc national des lacs de Plitvice” ni pariki igizwe n’ibiyaga 16.

7.Urugomero rwa Victoria

Ni urugomero rwo muri Zimbabwe, rukaba rumwe mu ngomero zo ku mugabane wa Afurika zikurura ba mukerarugendo cyane. Uru rugomero ruri ku ribibi rwa Zimbabwe na Zambie ariko ni urwa Zimbabwe, rufite ubuhaname bwa metero 885

8.Urugomero rwa Iguazù:

Iguazù ni urugomero ruherereye hagati ya Argentine na Brezil, rukaba ruzengurutswe n’ishyamba ribarizwamo inyamaswa nyinshi, ni urugomero rufite ubutambike bwa 3km by’umwihariko ku isegonda amazi arucuncumukaho angana na litilo miliyoni esheshatu.

9. Baatara

Ruri mu Majyaruguru ya Liban, rukaba urugomero ruca mu buvumu bufite metero 240, ari nacyo gituma abantu benshi barukoreraho ubukerarugendo bitewe n’ahantu karemano ruri.

10. Urugomero rwa Kaieteur:

Ni urugomero rwo mu gihugu cya Guyana mu Majyepfo ya Amerika, mu ishyamba kimeza rya Kaieteur, rukaba ruri mu ngomero nziza ku Isi, rufite uburebure bwa metero 482.

 

 

 

Tanga igitekerezo cyawe

Your email address will not be published.