Umutoza Alain Andre-Landeut wahoze muri Kiyovu Sports yahawe akazi mu kipe ya FC Lubumbashi yo muri Repubulika Iharanira Demokarasi ya Congo.
Ku Cyumweru tariki ya 21 Mata nibwo uyu mutoza uherutse mu Rwanda mu kipe ya Kiyovu Sports, yemejwe nk’umukozi mushya muri iyi kipe.
Andre-Landeut, yahawe amasezerano y’umutoza mukuru n’Umuyobozi wa Siporo muri iyi kipe.
Mu mwaka ushize, uyu mutoza yaherukaga gutoza ikipe ya Gisirikare muri Benin yitwa Adjidja Football Club.
Mu myaka ibiri yamaze muri Kiyovu Sports, yayihesheje umwanya wa Kabiri muri iyo myaka ibiri n’igikombe cya Made in Rwanda cyari cyateguwe n’Ikigo cy’Igihugu cy’Ubuziranenge (RSB).
Isangize abandi
Tanga igitekerezo