Raia wa Rwanda alijeruhiwa kwa risasi wakati wa makabiliano na makundi haramu yenye silaha yanayoungwa mkono na Kinshasa mashariki mwa DRC. Serikali ya Rwanda ilitangaza hayo tarehe 23 Oktoba 2023.

Mapigano kati ya muungano wa makundi haramu yenye silaha yanayoungwa mkono na Kinshasa mashariki mwa Jamhuri ya Kidemokrasia ya Kongo (DRC) yalifanyika karibu na mpaka wa Sekta ya Rubavu katika Mkoa wa Magharibi wa Rwanda, kwa mujibu wa taarifa iliyotolewa na serikali ya Rwanda.

Rwanda inasema kuwa ina wasiwasi kuhusu jinsi DRC inavyoendelea kushirikiana na wapiganaji hao wakiwemo FDLR na waasi katika kuiteka nchi hiyo katika mpaka wa Rubavu.

"Rwanda inasikitishwa sana na usaidizi unaoendelea na ushirikiano wa Serikali ya DRC na FDLR, na makundi mengine haramu yenye silaha," serikali imesema.

Hii si mara ya kwanza kushuhudiwa mgogoro wa aina hiyo Rubavu tangu kuzuka kwa vita kati ya jimbo la Kongo na M23, ambalo linasemekana kuungwa mkono na Rwanda.

Mwaka jana, ndege ya kijeshi ya DRC ilianguka katika uwanja wa ndege wa Rubavu, ikakaa hapo kwa muda, kisha kupaa tena.