Komisiyo y’Umuryango wa Afurika Yunze Ubumwe yatangaje ko abasirikare b’u Burundi bari mu butumwa bw’amahoro muri Somalia bagiye kugabanywa.
Mu ibaruwa yashyikirijwe umuryango w’Abibumbye utera inkunga ibikorwa byo kubungabunga amahoro muri Somalia, Komisiyo ya AU itangaza ko uyu mwanzuro wafatiwe mu nama yo ku wa 30 Ugushyingo 2018.
Nk’uko bikubiye muri iyo baruwa “Byanzuwe ko umusirikare wa mbere mu ngabo z’igihugu cy’u Burundi azacyurwa ku wa 28 Gashyantare 2019”.
Uyu mwanzuro ufashwe hagendewe ku itegeko nimero 2431 ryo mu mwaka wa 2018, ryo kugabanya ingabo z’Umuryango w’Abibumbye ziri mu butumwa bw’amahoro muri Somalia.
U Burundi bukaba bwari ubwa kabiri nyuma ya Uganda bufite ingabo nyinshi muri iki gihugu cya Somalia. U Burundi bukaba busanzwe bufiteyo abasirikare basaga 5432.
[penci_related_posts taxonomies=”undefined” title=”Inline Related Posts” background=”” border=”” thumbright=”no” number=”4″ style=”grid” align=”none” displayby=”recent_posts” orderby=”random”]
