Polisi katika Jimbo la Delta, Nigeria, imewakamata vijana wawili waliorekodiwa kwenye video iliyosambaa mitandaoni wakivuta bangi wakiwa wamekaa juu ya gari la polisi, huku wakizitusi vyombo vya usalama.
Waliokamatwa ni Patrick Asini (miaka 34) na Tega Ojo (miaka 20). Walikamatwa baada ya video yao kusambaa sana kwenye X (zamani Twitter), na kuchochea hasira za wananchi, polisi wakachukua hatua mara moja.
Katika video hiyo, iliyorekodiwa katika barabara, mmoja wao anaonekana ameketi juu ya gari lililoandikwa “Nigeria Police Force Anti-crime Patrol, Oghara Division,” akivuta bangi. Sauti moja inasikika ikisema: “Waambie, hatuna uhusiano wowote na polisi. Nipatie bangi pia.” Mmoja wao anaonekana akimnyoshea askari kidole cha kati kwa dharau.
Kwa mujibu wa SP Bright Edafe, msemaji wa Polisi ya Delta, vijana hao walikamatwa, na vitu kadhaa vilikamatwa walipokuwa wamejificha.
Vitu vilivyokamatwa ni pamoja na: sare za kijeshi, kofia ya kijani, barakoa, panga, shoka, simu sita, kompyuta mpakato nne, bangi na vifaa vya kuisaga.
SP Edafe alisisitiza kuwa polisi wataendelea kulinda sheria na usalama, na kuongeza: “Polisi ni rafiki yako. Inategemea tu jinsi unavyomwona.”
